Қазақстан Республикасы Үкіметінің 2023 жылғы 31 тамыздағы №748 қаулысына сәйкес, 2023 жылдың қараша айында Жамбыл облысында «Балаларды зорлық-зомбылықтан қорғау, суицидтің алдын алу және олардың құқықтары мен саламаттығын қамтамасыз ету жөніндегі 2023 – 2025 жылдарға арналған кешенді жоспарды» іске асыру бойынша Жол картасы әзірленіп, жұмыстар жүргізілуде. Жамбыл облысы әкімдігінің білім басқармасының «Облыстық психологиялық қолдау орталығын» ашу бойынша облыс әкімдігінің №117 қаулысы күні кеше 2024 жылдың 14 мамырында қабылданды. Бүгінгі күні нормативтік-құқықтық құжаттарды рәсімдеу жұмыстары жүргізілуде.
«Өркен» балалардың әл-ауқатын арттыру ұлттық ғылыми-практикалық институтының нұсқаулығымен «Орта білім беру ұйымдарында білім алушыларды жәбірлеудің (буллингтің) алдын алу жөніндегі «ДосболLIKE» бағдарламасы облыстың 6 мектебінде сынақтан өткізілуде. Сонымен қатар, Қазақстан Республикасы Оқу-ағарту министрінің 2022 жылғы 25 тамыздағы «Орта білім беру ұйымдарындағы психологиялық қызметтің жұмыс істеу қағидаларын бекіту туралы» №377 бұйрығының негізінде Жамбыл облысының 446 мектептің 395 жалпы білім беретін мектептерінде психологиялық қызмет құрылып, жоспар бойынша жұмыстар жүргізілуде.
Сондай-ақ, облыс мектептерінде баланың оқу қиындықтары мен мінез-құлқындағы проблемаларды анықтау мақсатында 179205 оқушы диагностикалауға қатыстырылып, 28237 оқушы бақылауға алынды.
Диагностикалау нәтижесінде оқыту мен тәрбиелеуде қиындықтары бар 2496 оқушы анықталды. 19914 оқушымен әңгімелесу жүргізілді. Оқушылардан 5580 сауалнама алынып, сауалнамаға 153809 оқушы қатысты.
2023 жылдың қыркүйек айынан бері 3092 оқушыға әлеуметтік және психологиялық-педагогикалық сүйемелдеудің жеке жоспары жасалып, 11306 оқушыға әлеуметтік, 7728 оқушыға психологиялық көмек көрсетіліп, 20156 оқушымен түзету жұмыстары жүргізілді, 12001 ата-анаға кеңес берілді.
345 оқушының психологиялық жағдайында немесе мінез-құлқында, құқықтық, әлеуметтік немесе отбасылық-тұрмыстық проблемалар тәуекелі анықталып, тиісті бейінді мамандарға жолданды.
Бүгінгі күні облыста 445 мектеп болса, 34 мектепте (Байзақ — 6, Мерке — 12, Жуалы — 8, Тараз — 8) медиация кабинеттері ашылған.
Облыстық медиаторлар кеңесі тарапынан «Медиациялық қызметті жетілдірудің жолдары» атты оқу-әдістемелік құралы әзірленіп, білім беру мекемелеріне таратылды.
Облыс әкімдігінің білім басқармасының мемлекеттік әлеуметтік тапсырысы шеңберінде «Innovation psychology» Республикалық қоғамдық қоры әдіскерлер мен педагог-психологтарға арналған «Бестерек» жобасы жүзеге асырылуда.
Жобаның мақсаты: 5-11 сынып оқушылары арасында аутодеструктивті мінез-құлқы бар балаларды анықтау және психологиялық-педагогикалық қолдау көрсету.
Жобаға барлығы 646 педагог қатысты, оның ішінде 13 — психолог әдіскер, 601 – жалпы білім беру ұйымдарының педагог-психологтары (облысқа қарасты мекеме мамандарын қоса алғанда), 12 — қосымша білім беру психологтары, 20 — мемлекеттік колледж психологтары біліктіліктерін жетілдірді.
2023-2024 оқу жылының қыркүйек айынан бері облыста оқушылар мен колледж студенттері арасында буллингтің алдын алу және психологиялық көмекті қажет ететін балаларға дер кезінде көмек көрсетуді ұйымдастыру мақсатында 2 пилоттық жоба іске асырылған болатын. Олар:
- «Komek Stop Bullying» жобасы.
- «Психологиялық қызмет HR+» жобасы.
2023 жылдың 28 тамызында «Komek Stop Bullying Jambyl» телеграм каналы ашылды.
«Komek Stop Bullying» ақпараттық жүйесінің QR кодтарын облыстағы 434 білім мекемелеріне тегін орнатылды, атап айтқанда 406 (Байзақ-40, Жамбыл-39, Жуалы-39, Қордай-47, Т.Рысқұлов-30, Мерке-30, Мойынқұм-23, Сарысу-26,Талас-33, Шу-39, Тараз қ.- 60) мектепке, білім басқармасына қарасты 8 интернатқа, басқармаға қарасты 18 мемлекеттік колледждерге және 1 өмірлік қиын жағдайданы балаларды қолдау орталығы мен 1 облыстық жасөспірімдер үйіне.
2024 жылдың 2 ақпан — 2 наурыз аралығында жалпы білім беру ұйымдарында «Әр бала – жарық жұлдыз!» тақырыбында психологиялық кеңес беру айлығы өткізілді.
Облыстың барлық мектептерінде «Ата-аналарға педагогикалық кеңес беру» орталықтары ашылды. Облыс мектептерінде ата-аналарға 10216 сабақ өткізіліп, оған 22900 жоғары сыныптың ата-аналары қатысты.
Аталған бағыттағы жұмыстар облыс әкімдігі тарапынан бақылауға алынған.
Материал Жамбыл облысы әкімдігі ішкі саясат басқармасының ақпараттық саясаты тапсырысы негізінде жарияланды
