ҚР Индустрия және инфрақұрылымдық даму министрі Қайырбек Өскенбаев жұмыс сапарымен Жамбыл облысына келді. Бұл туралы ҚР ИИДМ баспасөз хатшысы Жанжігіт Омархан өзінің Facebook әлеуметтік желісіндегі парақшасында хабарлады.
«Қайырбек Өскенбаев бүгін «ЕвроХим-тыңайтқыштар», «Qazaq Soda» және «ENERGY-Тараз» серіктестігінің қызметімен танысады. Бұдан басқа, «Қазфосфаттың» Тараздағы филиалының минералды тыңайтқыштарды өндіру бойынша жаңа цехының ашылуына қатысады. Ведомство басшысының жұмыс сапары шеңберінде «Қазфосфаттың» Тараздағы филиалының минералды тыңайтқыштарды өндіру бойынша жаңа цехының ашылуы және өңір тұрғындарымен кездесу жоспарланып отыр», – деп жазды Ж.Омархан.
