Қазақстанда кезекші ХҚКО-лардың жұмыс кестесі 1 шілдеден бастап өзгереді.
Енді халыққа қызмет көрсету орталықтары мереке күндерін қоспағанда, сенбі күні сағат 9.00-ден 13.00-ге дейін жұмыс істейді. Жұмыс күндері олардың жұмыс кестесі өзгеріссіз қалады -9.00-ден 20.00-ге дейін.
ХҚКО-ның қалған бөлімдері дүйсенбі-жұма күндері сағат 9:00-ден 18:00-ге дейін стандартты кесте бойынша жұмысын жалғастырады.
«Азаматтарға арналған үкімет» мемлекеттік корпорациясы «Отбасы банкімен» бірлесіп Blockchain технологиясының көмегімен мүлік кепілін шешу бойынша жобаны енгізді. Қазір барлығы онлайн режимде жасалады, ал кепіл құқығын бес минут ішінде шешуге болады.
Айта кетейік, мүлік кепілін тоқтату қызметі қазақстандықтар арасында сұранысқа ие қызметтердің бірі. Бес ай ішінде ЕДБ-нің 126 523 кепілі шешілді. Жақын арада қызметті басқа банктердің клиенттері де пайдалана алады.
Мемлекеттік жер учаскелерін сату туралы онлайн-аукционға қалай қатысуға болады?
Ең алдымен, eGov порталында авторизациядан өту қажет. Ары қарай «Электронды түрде жер учаскесін немесе жер учаскелерін жалдау құқығын сату бойынша аукциондарды ұйымдастыру және өткізу арқылы Мемлекеттік мекемеден жер учаскесін беру» мемлекеттік қызметін таңдау керек. Сауда-саттыққа қатысу үшін өтінімді толтырасыз, содан кейін ЭЦҚ көмегімен өтінімге қол қою қажет. Қатысушы «электрондық сауда» порталына мына сілтемемен https://e-auction.gosreestr.kz/ қайта бағытталады. Артынша тіркеуден өтіп, кепілдік жарнаны төлеу қажет.
Сауда-саттық ағылшын әдісі бойынша өтеді, яғни бағаны көтеру тәсілі қолданылады. Бастапқы баға жер учаскесінің кадастрлық құны негізінде анықталады. Сауда-саттық аяқталғаннан кейін жеңімпаз жер теліміне құқық белгілейтін құжаттарды алады.
Бұл қызметті Мемлекеттік корпорация көрсетеді.
