«Нұр Отан» партиясы Жамбыл облыстық филиалы жанындағы «Жас Отан» Жастар қанатының ұйымдастыруымен, Нұрғиса Арнұрұлы мен Еркебұлан Бақытжанұлын еске алуға арналған кіші футболдан турнир өтті. Турнирдің алғы сөздерін «Нұр Отан» партиясы Тараз қалалық филиалының бірінші орынбасары А.Асқарбеков пен «Жас Отан» ЖҚ Жамбыл облыстық филиал төрағасы У.Болатбек ашып беріп, артынан құран оқылды.
Шараның басты мақсаты «Жас Отан» Жастар қанатының белсенді мүшелерін еске алу, жастар арасында салауатты өмір салтын қалыптастыру.
Аталмыш турнирге 16 команда қатысып, ойын тәртібі олимпиадалық форматта өтіп, жұмысшы жастар мен студенттердің қатысуымен өткізілді.
Турнидің қорытындысы бойынша Жамбыл медициналық колледжінің командасы І орын, Тараз инновациялық-гуманитарлық университеті командасы ІІ орын және «Жанымбет» командасы ІІІ орын иеленіп, арнайы кубоктар мен медальдар және қаржылай сыйлықтармен марапатталды.
