Автомобиль көлігі және көліктік бақылау комитетінің төрағасы Алтай Әлі 20-21 ақпан аралығында Женева қаласында Біріккен Ұлттар Ұйымының Еуропалық экономикалық комиссиясы (БҰҰ ЕЭК) Ішкі көлік комитетінің (КВТ) 86-сессиясы шеңберінде Орталық Азия экономикаларына арналған БҰҰ арнайы бағдарламасы (СПЕКА) делегациялары басшыларының кездесуіне қатысты.
Кездесуде тасымалдау процесіне цифрлық құралдарды енгізу мәселелері, СПЕКА дәлізін цифрландыру бойынша Жол картасында көзделген іс-шараларды іске асыру барысы талқыланды.
Қазақстан тарапынан делегация басшыларының кездесуі аясында БҰҰ ЕЭК халықаралық автомобиль жүктерін тасымалдау кезінде рұқсат бланкілерінің электрондық форматына көшу мәселесін қарауды ұсынды.
Сондай-ақ Комитет төрағасы БҰҰ ЕЭК атқарушы хатшысы — БҰҰ Бас хатшысының орынбасары Татьяна Молчанмен, IRU Бас хатшысы Умберто де Преттомен, Польша делегациясымен бірқатар екіжақты кездесу өткізіп, олардың барысында трансконтинентальдық автомобиль тасымалдары мен Қазақстан Республикасының көлік саласын дамытудың өзекті мәселелері талқыланды.
Министрлік көліктің қоршаған ортаға теріс әсерін азайтуға бағытталған шараларды іске асыру, Транскаспий дәлізін цифрландыруға жәрдемдесу және жүктерді тасымалдау процесін цифрландыруды енгізу (электрондық цифрлық ілеспе құжаттарға (e-CMR e-TIR) көшу және бақылау рәсімдерін жүзеге асыру) жөніндегі жұмысты жалғастыратын болады.
Айта кетерлігі, СПЕКА ұйымының құрамына Әзірбайжан, Ауғанстан, Қазақстан, Қырғызстан, Тәжікстан, Түрікменстан, Өзбекстан елдері кіреді.
