Соттардың ашықтығы мен объективтілігін айқындайтын электронды инновациялық жүйені енгізуді және сот жүйесінің халыққа барынша қолжетімді болуы мақсатында республика соттарында сот төрелігін іске асыру процесін анағұрлым жетілдіруде, сот қызметіне интернет арқылы қол жеткізуде және сот процесінің анықтығын қамтамасыз етуде ықпал ететін жаңа ақпараттық технологиялар кеңінен қолданылуда.
Сондай-ақ, сот жүйесін қолжетімді ету және оны оңайлату мақсатында Жоғарғы Сот пен жергілікті соттардың интернет-ресурстарында азаматтар үшін сот құжаттарымен танысу және сот кабинеті электрондық сервистері іске қосылды.
Сандық электронды қолы бар ел азаматтары уақыттарын үнемдей отырып, кез-келген уақытта интернет желісі арқылы талап арыздарын, шағым мен наразылықтарын сот кабинеті электрондық сервистері арқылы жолдай алады. Тұтынушы өзіне ыңғайлы кез келген уақытта сот құжатын қарап, істің тарихымен, деректермен танысып, сот актісін басып шығара алады.
Сот құжаттарымен танысу жүйесі ашықтық пен жылдамды қамтитын электронды сот құжаттарымен танысуға арналған. Яғни, сотқа талап арыз өткізген азамат қолма-қол құжаттың тіркелгендігін растайтын түбіртекті алады. Соңынан ұялы телефоны арқылы логин мен құпия сөз көрсетілген электронды хабарлама алып, сот ақпараттарды енгізу жолымен шығарылған сот актісімен танысу мүмкіндігіне ие болады.
Заманауи ақпараттық технологияларды қолдану сот қызметінің қолжетімділігі, ашықтығы мен тиімділігі тәсілдерінің бірі болып табылғандықтан ақпараттық сервистерді қолдану сот кеңсесі қызметкерлерінің ғана емес, сотқа жүгінетін адамдардың да уақытын үнемдемек, бұл технологиялар сот өндірісін жеңілдетіп қана қоймай, қағазбастылықтан арылып, азаматтардың уақыты мен қаржысын үнемдеуге, әрі сот жүйесінің анағұрлым ашықтығы мен қолжетімділігіне мейліншеқол жеткізуге септігін тигізеді. Олай, болса уақыттың санаулы нарық заманында сот тарапынан ұсынылған оңтайлаған ақпараттық жүйелердің электронды қызмет түрлерін кеңінен пайдаланғаныңыз абзал.
Тараз қаласының әкімшілік құқық бұзушылықтар
жөніндегі мамандандырылған соты әкімшісінің
бас маман-сот отырысының хатшысы А.Казкенова
