Электр энергиясын үнемдеу – дамуға қадам жасаған мемлекет үшін маңызды мәселенің бірі.
Елімізде энергия үнемдеу және энергия тиімділігін арттыру шаруашылықтың барлық салаларында қазіргі уақытта энергетикалық, экологиялық және экономикалық проблемалар кешенін шешетін басым міндеттің бірі. Осы міндетті шешпей елдің дамуын ұстау мүмкін емес. Осыған орай, Тараз инновациялық гуманитарлық университетінде электр энергиясын үнемдеу тақырыбында дөңгелек үстел отырысын өткізді.
Жиынға мемлекеттік мекеме өкілдері мен сала мамандары қатысып, әрқайсысы өз ойларын ортаға салып, ұсыныстарын жолдады.
–Осы шара аясында біз жобаның алғашқы нәтижелерімен бөлісетін боламыз. Жүзеге асыруға болатын жобаларды нақтылаймыз, қаржы көздерін анықтаймыз. Мен ойлаймын, бұл жобаға инвестор табылса, Тараз қаласы бойынша электр энергиясын үнемдеудің тиімділігі артады деп. Бұған шағын және орта бизнес өкілодері қызығушылық танытып, ұсыныстар көңілдерінен шығады деген ойдамын. Оларға арнайы тренингтер, сондай-ақ, қаржылық сауаттылығын арттыру курстары өткізілетін болады. Бизнес-жоспар құруды меңгереді. Осылайша, олар мемлекеттен субсидия алу жолдары қарастырылып, қала үшін маңызды, бірақ күрделі жобаларды дамытар еді, – дейді БҰҰ Даму бағдарламасы мен экологиялық фонды және Қазақстан Республикасы Үкіметінің бағдарламасын дамыту жобасының үйлестірушісі Александр Белый. Мемлекет басшысы энергия үнемдеу саласында жалпы ішкі өнімді үнемдеуді 2020 жылға қарай 25%-ға төмендету бойынша міндетті алға қойды. Бүгінгі таңда дамыған елдерде электр энергиясын үнемдеудің жан-жақты тәсілдері мен жаңа жобалары іске асырылуда. Ол үшін елімізде алғашқы қадамдар жасалынуда. Ал бұл бағытта жарқын істердің жаршысы болып отырған өңірімізде облыс әкімдігінің тапсырмасымен жыл басынан үш рет аймақтық семинар өтті. Алдағы қазан айында бірінші аймақтық республикалық конференцияны ұйымдастыру жоспарда бар дейді ұйымдастырушылар.
–Конференцияның негізгі мақсаты – жалпы қоғамдағы өмір сүріп жатқан азаматтарға, қаланың, облыстың, республиканың дамуында барынша электр энергиясын тиімді тәсілдерп арқылы үнемдеу. Бұл жөнінен азаматтарды хабардар ету, Әлем дамуындағы үрдістен қалып қоймау керек
Өткен жылы Біріккен ұлттар ұйымының Даму бағдарламасы мен экологиялық фонды және Қазақстан Республикасы Үкіметінің қатысуымен университет базасынан арнайы орталық ашылған болатын. Өйткені, аталған оқу орны бұл бағытта бұған дейін де бірнеше жобаларға қатысқан. Биылғы жылы да облыс әкімінің қолдауымен электр энергиясын үнемдеу жобасын жеңіп алып, жұмыс жүргізіп келеді, – дейді Тараз инновациялық университетінің ректоры Ерболат Саурықов.
