Жиынға ҚР Экология, геология және табиғи ресурстар министрлігі Су ресурстары комитетінің төрағасы Нұрлан Жанұзақұлы, “Қазсушар” РМК бас директоры Алтай Аралбайұлы, “Қазсушар” РМК аппарат басшылары, “Қазсушар” РМК филиалдары басшылары мен өкілдері және жергілікті тұрғындар қатысты.
Басқосуда Серікқали Аманғалиұлы су шаруашылығы бағытында іске асырылған және алда атқарылатын жобалармен бөлісті.
Атап айтқанда, биылғы құрылыс және реконструкция жұмыстарының нәтижесінде 24 мың га жердің сумен қамтамасыз етілуі жақсарды, 458 млн м3 қайтарымсыз су жоғалту азайды.
Жоспар бойынша «Жасыл Қазақстан» ұлттық жобасы аясында 2022-2025 жылдар аралығында 212 магистральдық және шаруашылықаралық суару каналдарында суды есепке алуды цифрландыру бойынша іс-шаралар арта түсетіндігін жеткізді.
Жиын барысында «Қазсушар” РМК Қызылорда филиалы 2022 жылы вегетациялық кезеңді үздік атқарғаны үшін марапаттау кубогын иеленді және ҚР Экология, геология және табиғи ресурстар министрі Серікқали Аманғалиұлы су шаруашылығы саласында атқарған елеулі еңбектері үшін «Қазсушар” РМК Түркістан филиалы Мақтарал өндірістік бөлімшесінің бас инженері Қ. Сарбасов пен «Қазсушар” РМК Қызылорда филиалының бөлім басшысы Б. Таймановты марапаттады, жиналған қауымға алғысын білдіріп, еңбектеріне табыстар тіледі.
