«Болашаққа бағдар: рухани жаңғыру» кубогы — 2017» облыстық
пікірсайыс турнирі өткізілді
Ағымдағы жылдың 5 маусымында Жамбыл политехникалық колледжінде облыс әкімдігінің жастар саясаты мәселелері басқармасы мен «Еркін пікір» ЖҚБ-нің ұйымдастыруымен Қазақстан Республикасы Мемлекеттік рәміздерінің 25 жылдығына орай «Болашаққа бағдар: рухани жаңғыру» кубогы- 2017» облыстық пікірсайыс турнирі өткізілді.
Аталған шараға Тараз қаласы мен аудандардан, жоғары және орта арнаулы оқу орындарынан, арнайы орта мектептерден 11 команда қатысып, өзара сынға түсті.
Ойын қорытындысы бойынша бірінші орынды Қазақ-түрік ұлдар лицейінің құрамасы иеленсе, екінші және үшінші орындарды Байзақ ауданы мен Тараз қаласындағы №49 мектеп гимназиясының командалары өзара бөлісті.
Сондай-ақ, «Үздік спикер» номинациясын В.Тұрғалиева (Байзақ ауданы) иеленсе, «Үздік төреші» номинациясын Д.Әбдіғаппар (Тараз қаласы) иеленді.
Үздік шыққан барлық командалар мен номинация иегерлеріне ұйымдастырушылар тарапынан арнайы дипломдар мен бағалы сыйлықтар табыс етілді.
