Іс-шараның мақсаты- мемлекеттік қызметті дамыту мәселесін қарау, пікір-ұсыныстарыңызды тыңдау, Департаменттің жұмысын жандандыру, сондай-ақ қоғаммен кері байланысты арттыру.
«Дөңгелек» үстел жұмысына әдеп жөніндегі кеңес мүшелері, мәслихат депутаттары, мемлекеттік органдардың басшылары мен қызметшілері, БАҚ, қоғамдық ұйымдары өкілдері қатысты.
Кездесу барысында Жамбыл облыстық аумақтық кәсіподақтар бірлестігінің төрағасы; Жамбыл облысы маслихатының депутаты, Әдеп жөніндегі кеңестің мүшесі Төлепберген Мейрамбек Мылтықбайұлы, «Казфосфат» ЖШС-нің бас директоры, ҚР Кәсіпкерлер Палатасы Президиумының мүшесі, Жамбыл облысының кәсіпкерлер палатасының аймақтық кеңесінің төрағасы, Әдеп жөніндегі кеңестің мүшесі Искандиров Мұқаш Зұлқарнайұлы мемлекеттік қызметшілердің моральдік бейнесі туралы сөз қозғады.
Мемлекеттік басқару жүйесіне меритократия негізінде тек лайықты, білімді адамдар келу қажеттігі жөніндегі Президенттің қойған міндетіне сәйкес кадрларды іріктеуге үлкен мән берілуде. Осы орайда өз пікірімен «Үздік мемлекеттік қызметші» атты республикалық байқаудың жеңімпазы Жуалы ауданы Шақпақ ауылдық округінің әкімі Мұстафа Ғаниұлы Бектұрғанов бөлісті. 
Жиын соңында, Департамент басшысы Равиль Төлебаев атқарылған жұмыстар мен алдағы қойылған мақсаттар туралы айтып, қатысушылардың тарапынан қойылған сауалдарға жауап берді, сондай-ақ түскен ұсыныстарға қолдау көрсетті.
