Қазығұртта Бекет Тұрғараев өзіне жататын кесене салып алыпты, судьялардың парақорлық деңгейі осындай деп атап кеткендер болып, видео дауға ұласты.
Әлеуметтік желіде осы мәселеге қатысты оқырмандардың бірі былай деп пікір қалдырыпты: «Маңғыстауда – пір Бекет, Қазығұртта – сот Бекет». Бекет Тұрғараевтың ұзақ жылдар сот саласында қызмет еткенін көрсетсе керек.
Қазығұртта шынымен экс судья өзіне кесене тұрғызды ма деген оймен Түркістан облысына жолға шықтым. Бекет Тұрғараевтың мавзолейі бар ма деген оймен әлеуметтік желіден іздеп, интернет ресурстарында мавзолей авторы видеодан кейін бірнеше сұхбат беріп тастапты. Барымен танысып шықтым.
Батыс Қытай- Батыс Еуропа тас жолының Шымкент қаласынан Ташкентке барар жолдың бойынд а Сарапхана ауылының аумағында екі еңселі батырдың ескерткіші қарсы алады. Жылқының үстінде отырған халық қаһармандары Салқам Жәңгір хан мен Жалаңтөс Баһадүр.
Екі батырдың артында “Батыр бабалар” атты мемориалдық кешені Орбұлақ шайқасының 375 жылдығына орай бой көтерген. Мемориалдық кешенді “Жеті жарғы және Қожаберген жырау” қайырымдылық қорының төрағасы Б.Тұрғараев 2018 жылы берілген.
“Мәңгілік ел саябағы” деген аркада Мемлекеттік елтаңба ілініп тұрғанын көріп саябақтың мемлекет қорғауында екенін түсіндім. Саябақ ішіндегі Абайдың қара сөздері, заманауи балаларға арналған алаңша, Әбдірайымұлы Рахманбердінің ескерткіші, Үш биге арналған ескерткіш (ескерткішті орнатқан Төкен Жұмағұловтың фотосынмен тақта орнатылған), “Алаш арыстары” ескерткіші орналастырылған. Барлық ескерткіште «Жоба жетекшісі Бекет Тұрғарав» деген тақтайша бекітілген.
Шынын айтсам, мемлекеттік қаражатқа жасалған саябақ болса, мұндай болмас еді. Ауасы тамаша, табиғаты керемет екен. Әсіресе, шырша мен ағаштардың симметриялы түрде егілгені көз қуантады. Ол саябақтан жаяу серуендеп жүргеннің өзі бір үлкен демалыс екен. Келушілерге арналған дәретхананың тазаланып тұрғанын байқадым. Сонымен қатар, арнайы іс шаралар өткізу үшін арналған зал мен төрт жаздық алаңша бар екен. Осы жылғы рамазан айында екі рет ауызашар беріліпті.
Атышулы мавзолейдің есігін тарс жабық тұр. Ішіндегі айтылған Бекет Тұрғараевтың әке-шешесінің, әйелінің бюсттерін көре алмай қайттық. Сондай-ақ саябақ қызметкері сұхбат барысында өздерінің әкімдікке қарайтын қызметкерлер екендіктерін, Бекет Тұрғараевтың анда-санда келіп тұратындығы туралы айта кетті.
ЖАМБЫЛ ЖЕРІНДЕ ӨЗІНЕ КӨЗІ ТІРІСІНДЕ КҮМБЕЗ КӨТЕРГЕН
Жамбыл облысына белігілі азамат, мәдениет қайраткері, бірталай жыл облыс әкімдігі мәдениет басқармасының басшысы болған, “Жамбыл” ескерткішін қоқыс лақтырғанына төзе алмай әкімді сотқа берген Әлібек Әмзеұлы 70 жас мерейтойынан жиналған қаражатына көз тірісінде маңғыстаудан алынған ақтастан күмбезін көтеріп қойған болатын. Әлібек Әмзеұлы өткен жылы коронавирус деген жаман аурудан дүние салған болатын. Сол кезде жаназасын шығарып, қара жерге жатқызғанын құлақпен естісек те, көзімізбен көріп, жатқызған болатынбыз.
ҚАЙТЫС БОЛҒАНДАРҒА ЖЕР ТЕГІН БЕРІЛЕДІ, ҚЫЗМЕТІ АҚЫЛЫ
Өздері қайтыс болмай жатып, өздеріне, әке-шешесіне, әйеліне жер сатып алатын адамдар көп па деген сауалмен “Арнайы рәсімді көрсету” ЖШС директоры Қадырхан Абдуллаевпен телефон арқылы сұхбаттасқан болатынмын.
Сондай жағдайлар болып жатыр. Ашығын айтқанда, алдын ала өздері айтып қояды. Шариғат бойынша да, ата — бабаларымыздың дәстүрі бойынша болмайды ғой деп қанша айтсақ та, тыңдап жатқан жоқ. Бірақ олар санаулы адамдар. Бұны енді ұлттық мәселелерге тиіп кетем бе деп, одан да қорқамыз. Зиратта жер сатылмайды. Жер тегін беріледі. Біздің алатын ақымыз қазып бергеніміз 11500 теңге. Соны орнатып береміз. Ал жер тегін беріледі. Адам басына 6-7 шаршы метрден бөлінген деп заңда да көрсетілген. Одан бізді тыңдап жатқан біреу бар ма? Көпшілік емес.
Зират басына үлкен күмбез қоятындар байлар екен. Бір кездері бір жасы үлкен кісі үлкен күмбез көтеріп жатқан орта жастағы азаматқа «Неге мұндай үлкен мазар көтердің, одан гөрі жетім жесірге, мешітке көмек бермейсіз бе?» деген сауалға орта жастағы азамат былай жауап берді: “Ата жетім жесірге де, мешітке көмек бердім. Сізге көмек берейін бе? Жақыныма қандай күмбез көтерсем де өзім білемін» деп жауап берген болатын. Бұған күлеміз бе, әлде жылаймыз ба білмеймін.
Исламбек Дастан
