ҚР Бас көлік прокуроры Ернат Сыбанқұлов өзінің фэйсбук аккауынтында қоғамның наразылығын туғызған мәселе бойынша өзінің пікірін білдірді:
- Жолаушыны зорлау туралы қылмыстық іс бойынша №98 «Нұрлы жол — Ақтөбе» тальго поездын да орын алған жағдай бойынша прокурор айыптаушы жақты қолдап, алты жыл алты ай сұраған болатын. Бірақ сот басқа шешім қабылдады. Қазіргі уақытта сот үкімі заңдылық пен негіздемесі зерттелуде — деп пікірімен бөлісті Бас көлік прокуроры.
Айта кетерлігі, «Іс сотқа ҚР ҚК-нің 120-бабы 2-бөлігі 1-тармағы (адамдар тобы, алдын ала сөз байласу арқылы адамдар тобы жасаған) бойынша берілді. Оқиға былтыр 26 қыркүйкте «Астана-Ақтөбе бағытымен жүретін «Тальго» жолаушылар пойызында» болған. Алдын ала сөз байласпай адамдар тобы жасаған зорлау дегеніміз — екі орындаушының алдын ала келіспей жасаған қылмысы. Мысалы, зорлауға екі адам қатысады: біреуі ұстап тұрады, осы уақытта екіншісі зорлық-зомбылық жасайды. Аталған іс бойынша мұндай дерек анықталған жоқ, сондықтан да сотталған екі ер адамның әрекеті 1-бөлік бойынша қарапайым зорлау ретінде қайта қаралды», — деп түсіндірді судья Оразбай Сатыбалды.
Еске салсақ, Жетес Үмбеталиев пен Колқанат Құрманиязов есімді жолсеріктер Қылмыстық кодексінің 120-бабы, 1-бөлігі «Зорлау» бойынша кінәлі деп танылып, екі жылға бас бостандығынан айырылды. Үкімді сот Оразбай Сатыбалды шығарды.
