Жоқ!
Конституциялық Сот азаматтың өтінішін қарау қорытындылары бойынша Жоғарғы Соттың 2016 жылғы 31 наурыздағы «Соттардың бала асырап алу жөніндегі заңнаманы қолдану практикасы туралы» № 2 нормативтік қаулысының молекулярлық-генетикалық сараптаманы міндетті етіп, мұндай сараптаманың нәтижелері арызға қоса берілуге тиіс деп белгілейтін императивтік норманы және аталған сараптама болмаған жағдайда арызды қайтару талабын (ҚР КС 01.06.2023 ж. №18-НҚ) конституциялық емес деп таныды.
Жоғарғы Соттың сот шешімдерінің дәлелді базасын нығайтуға жәрдемдесетін және бала құқықтарын қорғауға бағытталған ұстанымының маңыздылығын ескере отырып, Конституциялық Сот соттың өзі сот процесінің барысында істі дәлелдеу үшін қажетті және жетіспейтін сараптаманы (оның ішінде молекулярлық-генетикалық) тағайындауға, оны қандай да бір ұйымда жүргізудің заңдылығын тексеруге, ондағы тұжырымдарды бағалауға және ескеруге құқылы екенін көрсетті.
Жоғарғы Сот нормативтік қаулыны конституциялық бақылау органының құқықтық ұстанымдарына сәйкес келтірді.
