Жамбыл облысы Байзақ ауданы, Байзақ ауылында орналасқан №4 мектеп — лицейінің директоры Айгүл Есжановаға қатысты қылмыстық сотқа жіберілді деп хабарлайды TURANINFO.KZ ақпарат агенттігі.
ҚР Сыбайлас жемқорлыққа қарсы іс қимыл агенттігінің Жамбыл облысы бойынша департаментінен төмендегідей жауап келді:
Байзақ ауылында орналасқан №4 мектеп — лицейінің директоры Айгүл Есжанова Қылмыстық кодекстің «Алаяқтық» бабының «мемлекеттiк функцияларды орындауға уәкiлеттiк берілген адам не оған теңестiрiлген адам не лауазымды адам не жауапты мемлекеттік лауазымды атқаратын адам жасаған алаяқтық, егер ол өзінің қызмет бабын пайдалануымен ұштасса»бабы бойынша қылмыстық іс тергеліп, нәтижесінде іс жеделдетілген тәртіппен сотқа жолданғаны туралы хабарлаймыз делінген.
Бұл бап бойынша сотталушының мүлкi тәркiленіп, белгiлi бiр лауазымдарды атқару немесе белгiлi бiр қызметпен айналысу құқығынан өмір бойына айыра отырып, жымқырылған мүліктің он еселенгеннен жиырма еселенгенге дейінгі мөлшерінде айыппұл салуға не үш жылдан жеті жылға дейінгі мерзiмге бас бостандығынан айыруға жазаланады.
