Қазақстан Республикасының Президенті Н.Ә.Назарбаевтың 2011 жылғы 11 қаңтардағы №168 Жарлығында бекітілген тұжырымдамаларын жүзеге асыру және негізгі көрсеткіш бойынша бұқаралық спортпен шұғылданушылардың санын республика көлемінде 2020 жылға дейін 30 пайызға жеткізуді алдағы жылдарға мақсат етіп қойып отыр.
Елбасы Нұрсұлтан Әбішұлы Назарбаев, Қазақстан халқына арнаған Жолдауында – бұқаралық спортпен тұрақты түрде айналысу – ұлт денсаулығының ажырамас бөлігі екенін атап көрсетті.
Елбасы тапсырмаларын орындау үшін қала тұрғындары арасында салауатты өмір салтын насихаттау және жүйелі түрде спортпен шұғылдануға тарту мақсатында 2017 жылы Тараз қаласында 216 спорттық іс-шара өткізіліп, 48045 адам қатысты. Оның ішінде Тараз қаласы әкімдігі тарапынан 87 спорттық іс-шара өткізіліп, 21266 адам қатысты.
Атап айтқанда, спарттакиадалар, жеңіл атлетикалық жүгірістер, парктер мен скверлердегі бұқаралық спорттық шаралар және Қазақстан Республикасы Тұңғыш Президенті – Елбасының тестілері өткізілген болатын. Аталған бұқаралық спорттық шараларға қаладағы барлық жастағы тұрғындарының қатысуы қамтылған болатын.
Қала тұрғындары бос уақыттарын тиімді пайдаланып, спортпен шұғылдану үшін спорт нысандарына қол жетімдігін арттыру мақсатында Тараз қаласы әкімдігі тарапынан «Құмшағал», «Шөлдала», «Қарасай» алқаптары және «Талас» (6) мөлтек ауданында жасанды төшенішімен кіші-футбол алаңшалары және «Атлетик» спорт кешенінің маңында, Қ.Рысқұлбеков пен Жеңіс саябағында, «Астана» (12) мөлтек ауданы мен «Шөлдала» алқабында жаңадан дамып келе жатқан спорт түрі — «Street Workоut» алаңшалары салынып, халықтың пайдалануына берілді.
Бұқаралық спортты дамыту мақсатында және қала әкімі Р.Дәулеттің қала тұрғындары алдында есеп беру кезінде спорт алаңшаларын салу жөніндегі сұраныстарына 2018 жылы Тараз қаласында тағыда 8 спорт алаңшаларын салу үшін жергілікті бюджеттен қаражат бөлінді. Атап айтқанда 3-«Street Workоut» және 5-әмбебап спорт алаңшаларын салу жоспарлануда.
Сонымен қатар Елбасының «Болашаққа бағдар: рухани жаңғыру» атты бағдарламасының «Туған жерге туын тік!» акциясы аясында бірқатар жерлестеріміз қала тұрғындарының игілі үшін өз қаражаты есебінен спорт алаңшаларын салып беруге ниет білдіруде. Олардың бірі – «Казфосфат» ЖШС-нің бас директоры Мұқаш Зұлқарнайұлы Ескендіров болса, екіншісі – қалалық маслихат депутаты Жұмабек Әбдікәрімұлы Бөлекбаев бүгінгі күндері спорт алаңшаларының құрылыстарын бастап та кетті.
2017 жылы қала тұрғындарының спортпен жүйелі түрде айналысуына тарту және спорт нысандарына қол жетімділігін арттыру мақсатында қаладағы 410 спорт нысандарының орналасқан жері мен жұмыс уақытын бұқаралық ақпарат құралдары арқылы халықтың назарына ұсынылған болатын. Ал ағымдағы жылы 500 ден аса қол жетімді спорт нысандарын аталған тізімге енгізу жоспарланып отыр.
Қазіргі таңда Тараз қаласында жүйелі түрде спортпен шұғылданушы азаматтар саны 103202 адамды құрады. Бұл Тараз қаласының тұрғындарының жалпы санының 28,8% құрап отыр.
Ағымдағы жылы қала тұрғындары арасында Елбасының «Болашаққа бағдар: рухани жаңғыру» атты мақаласы аясында және Астана қаласының 20 жылдық мерекесін атап өту мақсатында бұқаралық-спорттық шараларды көптеп өткізу арқылы жүйелі түрде спортпен шұғылданушы азаматтар санын 29,2% жеткізу жоспарлануда.
Тараз қаласы әкімінің орынбасары К.Олжабай