Жасанды интеллект және цифрлық даму министрі Жаслан Мәдиевтің мәлімдеуінше, енді eGov, e-Otinish және Aitu ұлттық мессенджері сияқты сервистерге «нөлдік баланс» кезінде де, яғни интернет-трафиксіз және тегін кіру мүмкіндігі жасалмақ.
Бұл азаматтардың қаражат тапшылығы немесе байланыс шектеулеріне қарамастан, мемлекеттік қызметтерді кедергісіз алуына және маңызды өтініштер жолдауына жағдай жасайды.
Жалпы саны 116 түзетуден тұратын бұл құжат мемлекеттік қызметтерді цифрландыру деңгейін көтеріп қана қоймай, әрбір қазақстандық үшін цифрлық теңсіздікті жоюды көздейді.
Осылайша, ең қажетті қосымшалар тарифсіз негізде жұмыс істейтін болады, бұл халықтың әлеуметтік қорғалуын және мемлекетпен байланысын нығайта түспек.
