2022 жылғы 27-28 қазанда Душанбе қаласында ТМД-ға қатысушы мемлекеттердің Бухгалтерлік есеп жөніндегі үйлестіру кеңесінің отырысы өтті.
Аталған отырысқа Әзірбайжан Республикасы, Армения Республикасы, Қазақстан Республикасы, Қырғыз Республикасы, Ресей Федерациясы, Тәжікстан Республикасы, Өзбекстан Республикасы, Беларусь Республикасы қатысты.
Үйлестіру Кеңесі бухгалтерлік есеп мәселелері бойынша ТМД-ға мүше мемлекеттердің іс-әрекетін үйлестіру, бухгалтерлік есепті ұйымдастыру және жүргізу, бухгалтерлік (қаржылық) есептілікті құру, аудиторлық қызметті ұйымдастыру, сондай-ақ ұлттық бухгалтерлік есеп және аудит жүйелерін ҚЕХС пен ХАС үйлестіру және үйлестіру ережелеріне бастапқы талаптарды әзірлеу мақсатында құрылды.
ТМД-ға қатысушы мемлекеттерде бухгалтерлік есеп пен аудиторлық қызметті реттеудің ұлттық жүйелеріндегі айырмашылықтарға қарамастан, оларды дамытудың негізгі бағыттары — ҚЕХС және ХАС-пен үйлестіру сәйкес келеді. Бұған негізінен ТМД-ға қатысушы мемлекеттердегі бухгалтерлік есеп және аудиторлық қызмет мәселелерін реттейтін уәкілетті органдардың Үйлестіру кеңесі шеңберіндегі белсенді және тиімді ынтымақтастықтың арқасында қол жеткізілді.
Үйлестіру Кеңесінің XVIII отырысында ұлттық бухгалтерлік есеп және аудит жуйелерін дамыту, Қаржылық есептіліктің халықаралық стандарттары (ҚЕХС) мен Халықаралық аудит стандарттарын (ХАС) дәйекті және біркелкі қолдануды қамтамасыз ету, цифрлық қаржы активтерінің бухгалтерлік есебін ұйымдастыру және олар туралы ақпаратты бухгалтерлік (қаржылық) есептілікте ашу және басқа да өзекті мәселелер қаралды.
Отырыста ҚР ҚМ бухгалтерлік есеп, аудит және бағалау әдіснамасы Департаменті директорының орынбасары Ак-бала Алиева шетелдік контрагенттердің бастапқы есепке алу құжаттарын ресімдеу туралы ақпаратты баяндады, ол бойынша бүгінгі таңда резидент еместер үшін арнайы талаптар мен бастапқы құжаттардың нысандарын белгілеу орынды болып табылады.
Сондай-ақ, ТМД-ға қатысушы мемлекеттердің Бухгалтерлік есеп жөніндегі үйлестіру кеңесінің қызметіне қатысты бөлігінде Қазақстан Республикасының Тәуелсіз Мемлекеттер Достастығына төрағалық етуінің 2022 жылғы тұжырымдамасын іске асыру жөніндегі іс-шаралар жоспарын орындау бойынша ақпарат тыңдалды.
ҚЕХС қорының өкілдері ҚЕХС-тың соңғы жаңалықтары, ҚЕХС-тың жаңа стандарттарын енгізу бойынша тәжірибе алмасу туралы ақпаратпен бөлісті.
2023 жылға арналған Үйлестіру кеңесінің төрағасы болып Өзбекстан Республикасы Қаржы Министрлігінің Бухгалтерлік есеп және аудит әдіснамасы департаментінің директоры Иброхимхон Икромхонович Ахмадхонов сайланды.
