Мемлекет басшысы Қасым-Жомарт Кемелұлы Тоқаев ұлттық мәдениетті дамыту мен ауылдық жерлердегі мәдени инфрақұрылымды жетілдіру мәселесіне әрдайым ерекше назар аударып келеді. Бұл бағыттағы жұмыстар елдің рухани дамуы мен мәдени әлеуетін арттырудың маңызды тетігі болып табылады. Осы мақсаттағы негізгі қадамдардың біріне айналған және жаңа мәдени этикалық нормаларды қалыптастыруға бағытталған жоба биыл екінші мәрте дәстүрлі түрде жалғасын табуда.
Жамбыл облысы әкімдігінің мәдениет және тілдерді дамыту басқармасының Облыстық халық шығармашлығы орталығы мен Байзақ ауданы әкімдігінің ұйымдастыруымен өтіп жатқан іс-шараға әр ауданнан келген мәдениет үйі мен клуб меңгерушілері қатысуда.
Іс-шараны Жамбыл облысы әкімдігінің мәдениет және тілдерді дамыту басқармасының басшысы Ерлан Жүнісбай құттықтау сөзімен ашты
“Биыл екінші мәрте өткізіліп отырған «АУЫЛ-CLUB» облыстық ART-тимбилдингі ауыл мәдениетінің дамуына серпін беретін, клуб мамандарының басын бір арнаға тоғыстырып, өзара тәжірибе алмасуына мүмкіндік жасайтын маңызды алаң ретінде өз жалғасын тауып отыр. Осы жоба аясында ұсынылатын мәдени-танымдық бағдарламалар, шығармашылық жобалар мен кәсіби сайыстар қатысушылардың шеберлігін шыңдап қана қоймай, мәдениет саласындағы үздік тәжірибелерді насихаттауға, жаңа бастамаларды жүзеге асыруға жол ашады деп сенемін”, — деді Ерлан Нұрманұлы.
Сондай-ақ, шараның ашылу салтанатына Байзақ ауданының әкімі Олжас Баққараев та куә болып, қатысушылардың мәдени-танымдық бағдарламаларын тамашалады.
Екі күнге созылатын іс-шара барысында сала мамандарының арнайы әзірлеген мәдени-танымдық бағдарламалары, шығармашылық жобалар мен кәсіби сайыстар қатысушылардың шеберлігін шыңдап қана қоймай, мәдениет саласындағы үздік тәжірибелерді насихаттауға, жаңа бастамаларды жүзеге асыруға жол ашпақ.
