Меркі ауданы аумағында 45 елді мекен, ал жалпы халық саны 84731-ді құрайды. Аудан аумағында орталық ауыз сумен қамтылған елді мекен саны 38 немесе 84,4%, ал 7 елді мекені орталықтандырылмаған ауыз сумен қамтылған. Аудан аумағында жалпы су құбырының ұзындығы 509,8 шқ, оның ішінде тозғаны 189,7 шқ немесе 37,2%. Ауыз су желілерінің тозу деңгейін төмендету бойынша тиісті жұмыстар жоспарланған. Меркі ауылдық округіне қарасты Қожаханова көшесінің ауыз су құбырына ағымды жөндеу жұмыстарын жүргізу мақсатында мемлекеттік сатып алу конкурс амалдары жүргізіліп, мердігері анықталған.
Меркі ауданын елді мекендерді абаттандыру, көгалдандыру және санитарлық тазалықты қамтамасыз ету бойынша атқарылатын жұмыстардың іс-шарасын бекіту мақсатында ағымдағы жылдың 18 ақпанында аудан әкімінің №75 қаулысы және 23 ақпан күні аудан әкімінің №84 — өкімі жарияланып, осы бағытта жұмыстар жүргізілуде. Аудан аумағының санитарлық тазалығын қамтамасыз ету мақсатында жалпы 10 сенбілік ұйымдастырылған.
Ағымдағы жылы электр қуаты төмен көшелер мен ауылдарға зерделеу жүргізіліп нәтижесінде: Кентай, Тәтті, Ақарал, Талдыбұлақ ауылдарына және Байназаров, Низами көшелеріне 6 дана трансформатор орнату үшін ЖСҚ әзірлеу мақсатында конкурс амалдары жүргізіліп, мердігері нықталған. Қазіргі таңда ЖСҚ әзірлеу жұмыстары жүргізілуде. Аудан аумағында 45 елді мекен орналасқан, барлық елді мекен электр қуатымен қамтылған. 45 елді мекеннің ішінде 1 ғана елді мекен Жауғаш батыр ауылы көрші Қырғыстан Республикасынан электр қуатымен қамтылып отыр. Аталған елді мекенде 23 аула, 89 адам тұрады ауыл тұрғындары аудан тұрғындарына қарағанда электр қуатына бірнеше есе артық төлем төлейді. Осыған орай қазіргі таңда ЖСҚ әзірлеу үшін 17 450,0 мың теңге аудандық бюджеттен қаралып конкурс амалдары жүргізілді. Нәтижесінде жобалаушы мекеме «Корпорация АсылСтрой» ЖШС болып анықталған. Қазіргі таңда ЖСҚ әзірлеу жұмыстары жүргізілуде.
Ал жұмыспен қамту бойынша Меркі ауданында «Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған Еңбек бағдарламасы» бойынша жұмыспен қамтудың белсенді шараларына қатысуға берілген жоспар 3028 адам, оның ішінде кәсіптік оқытуға-62, қысқа мерзімді оқыту-160, бастау бизнеске-400, шағын несие-126, грант-300, 1980 жұмысқа орналастыру жоспарланып, оның ішінде бос жұмыс орындарына-1294, әлеуметтік жұмыс орынға-80, жастар тәжірибесіне-170, ақылы қоғамдық жұмысқа-436. Бүгінгі күнге 2902 адам кайырылып, 2590 жұмыспен қамтудың белсенді шараларына қатысқан. Бірінші бағыт бойынша бағдарламаға қатысушыларды техникалық және кәсіптік біліммен және қысқа мерзімді кәсіптік оқумен қамтамасыз ету. Қысқа мерзімді оқуға 160 адамға 36,0 млн.теңге бөлініп, ЖК «Калысбаев», ЖШС «Айсұлу», ЖК «Оқу орталығы», ЖШС «Отан» оқыту орындарымен келісім-шарт жасап, 169 азаматты үш айлық оқуға жіберілді. Оқудан өз еркімен 9 азамат шықты. 155 адам оқуды аяқтап, 100 пайыз жұмысқа орналастырылды. 5 адам оқуды жалғастыруда. Ал екінші бағыт жаппай кәсіпкерлікті дамыту бойынша жоспар 126 адамға 536,8 млн.теңге жоспарланған.
Жаңа бизнес-идеяларды іске асыруға арналған мемлекеттік гранттар 200 айлық есептік көрсеткіш мөлшерінде қайтарымсыз грант бойынша 300 адамға, 175,0 млн.теңге бөлініп, 300 адамға 175,0 млн.теңге беріліп, жылдық жоспар толығымен 100 пайызға орындалған. Үшінші бағыт – халықты жұмыспен қамтуға жәрдемдесу және еңбек ресурстарының ұтқырлығы арқылы еңбек нарығын дамыту. Әлеуметтік жұмыс орындарына 80 адам жоспарланып, келісім-шарт жасалынып, 85 адам жұмысқа жолданып, 29 жасқа дейін жастар 8 адам жолдамамен жолданған. Жастар тәжірибесіне 170 адамға 74,3 млн.теңге бөлініп, 16 мекемемен келісім-шарт жасалынып, 117 адам жұмысқа жолданған. Аудан бойынша жұмыссыздар болып ресми тіркеуде тұрғандар 1040 адам, оның ішінде әйелдер 613 адам, 29 жасқа дейінгі жастар 321 адамды құраған.
Материал Жамбыл облысы әкімдігінің ішкі саясат басқармасының тапсырысы бойынша дайындалды
