Сотпен не анықталды:
С. Тараз қаласында тұратын мекен-жайында, психотроптық заттарды өткізу мақсатында заңсыз сақтаған.
06.04.2024 ж., сағат 19:35 шамасында мекен-жайы бойынша полиция қызметкерлерімен тінту жүргізу барысында, қонақ бөлмесінің үстелінде, С.-дан 75 пакетке оралған2-(пирролидин-1-ил)-1-фенилпентан-1-он (ά-пирролидиновалерофенон, ά-PVP) жалпы салмағы 21,51 грамм, аса ірі мөлшерде психотроптық заттар табылып, тәркіленген.
Сотқа және алқабилерге сотталушы С.-ның сотқа дейінгі іс жүргізу барысында анықталмаған «кураторы» бар адамдар тобында әрекет еткені, олармен «Тelegram»мессенджері арқылы танысып, Тараз қаласы аумағында белгіленген орындарға жасыру арқылы, осы әрекеттері үшін белгілі бір ақы алғандығы туралы жеткілікті дәлелдер ұсынылмады.
Осылайша, сот алқабилердің қатысуымен, адамдар тобының алдын ала сөз байласуыменжәне психотроптық заттарды өткізу мақсатында қылмыс жасауды айыптау көлемінен алып тастау қажет деген қорытындыға келеді.
Тараптардың позициясы:
Прокурор сотталушы С.-ға7 жыл 6 ай бас бостандығынан айыру түріндегі жаза тағайындауды сұрады.
Сотталушы С. кінәсін ішінара мойындады.
Дәлелдемелер бойынша:
Жасаған іс-әрекеті тергеп-тексеру амалдары жүргізілу барысында толтырылған процессуалдық құжаттармен, сараптамалардың қорытындыларымен және басты сот талқылауында зерделенген қылмыстық істің процессуалдық өзге де материалдарымен дәлелденді.
Сот шешімі:
Қылмыстық жауаптылық пен жазасын жеңілдететін мән-жайлар ретінде, алқабилердің қатысуымен сот оның бұрын сотты болмағандығын және жасының жастығын таныды.Қылмыстық жауаптылық пен жазасын ауырлататын мән-жайлар сотпен анықталған жоқ.
Сот үкімімен ҚК-нің 297-бабы 3-бөлігі 3-тармағыбойынша С. кінәлі деп танылып, қылмыстық-атқару жүйесінің орташа қауіпсіздік мекемесінде жазасын өтей отырып, 7 жыл 6 айға бас бостандығынан айыру жазасы тағайындалды.
Үкім заңды күшіне енген жоқ.
Қайнар: Жамбыл облысының қылмыстық істер жөніндегі мамандандырылған ауданаралық сотының баспасөз қызметі