Қазақстандағы этникалық топатардың қатысуымен мұсылмандарға COVID-19 пандемиясының алдын алуға бағытталған «AdalStopCovid» жобасы шеңберінде буклеттер жасалды.
Ұйымдастырушылардың пікірінше, індеттің бірінші толқыны дінді берік ұстанушылар арасында да тез таралды. Мұндай жағдай әсіресе Рамазан айында кеңінен өріс алды. Адамдар эпидемилогтердің нұсқауларына мойынсұнбастан көпшілікпен бірге ауызашарларға қатысты. Мұның салдарынан сол кезде Covid-19-ға жатқызылмай келген пневмониядан көп адам көз жұмды. Ел қаражамылған үйлерге барып, жерлеу шараларына қатысып, сақтық шараларын сақтамады. Ең сорақысы осындай жағдайларды бастан өткізе отырып, бірінші толқыннан аман шыққан діндарлар әлі де індетке сенбей келеді. Сондай-ақ, көпшілікпен орындалатын рәсім-жоралғылар мен құлшылықтарды адам өмірі мен қауіпсіздігінен жоғары қойып, жасалған тыйымдарға мән бермеуде. Оған ғаламторда бұрыс ақпараттардың жариялануы да себеп болды.
Сондықтанда AdalStopCovid жобасы аясында қасиетті жазу мәтіндеріне сәйкестендіріліп, алдын алудың ұсынымдары әзірленді. Буклетті дайындауға еліміздің танымал теологтары, сарапшылар, дінтанушылар мен реабилитологтары атсалысты.
Жобаның авторы, әрі жетекшісі, журналист Айнұр Коскинаның айтуынша, буклетті әзірлеу кезінде ұйымдастырушылар көптеген қиындыққа тап болды.
-«Мәтіннің мазмұнын айқындауға біраз уақыт кетті. Өйткені, материалды дұрыс ұсыну жағына қатысты сарапшылардың пікірі бір жерге тоғыспады. Келесі кезеңде мәтіндер Ақпарат және қоғамдық даму министрлігінің Дін істері жөніндегі комитетке қарасты дінтану сараптамасына жолданды. Комитет сарапшылары мәтіннің дұрысекенін атап өтті»,- дейді Айнур Коскина.
-Буклеттерді безендіру бірнеше кезеңнен өтті. Әйгілі дизайнерлер бетперделердің әртүрлі нұсқасын жасады. Басында бетперде таққан ер адам мен әйел адамды бейнелеген болатынбыз, бірақ сарапшылар мұнымыз діндарлар тарапынан бірдей қабылдана қоймайтынын айтты. Сөйтіп, оларды алып тастап, бетпердені ғана қалдыруға тура келді. «Былайша айтқанда, буклет біздің сарапшылардың, дизайнерлердің, координаторлардың ортақ туындысы десек те болады»,- дейді Айнұр.
«Парасат» Кеңес беру әдістемелік орталығының директоры Индира Беркимбаева, буклетте індеттің таралуына тосқауыл болу жолдары көрсетілгенін айтты. Қоғамдық орындарда коронавирустан сақтануға арналған санитариялық талаптар толық берілген деді.
Павлодар облысының бас имамы, теолог Жолдас Қажы Қоспақұлы аталған дүние діндар кісілерге өз денсаулығын сақтауға көмегін тигізетінін айтты. Ислам дінінің негізгі ұстанымы- адам өмірін сақтау. Карантиндік талаптар мұсылмандардың қасиетті кітабы-Құран Кәрімнің барлық міндеттерімен сай келеді. «Адам денсаулығы жаратқанның аманаты. Сондықтан оған қиянат жасалмауы тиіс», -дейді Жолдас қажы.
«Дін жолындағы жамағат арасында біз әсілі ислам ең алдымен адам өмірін сақтауға шақыратын жеткізуге тырысамыз. Тұрғындарға қандай жағдай болмасын, өмірін кеселден қорғауға, өз қоғамы үшін өмір сүріп, еңбектенуге шақырады»,-дейді Айнур Коскина.
Павлодар қаласымен Жамбыл облысының Қордай ауданында өткізілген алғашқы фокус-топтарды, әсіресе этникалық диаспоралардан шыққан мұсылман бауырлар жақсы қабылдап, жасаған еңбектерімізді өз еріктерімен алып жатты, тіпті буклеттерді туыстарына, достарына, таныстарына тарататын болды.
Сонымен қатар жоба халықаралық INTERNEWS коммерциялық емес ұйымымен жүзеге асып, Еуропалық Одақпен қаржыландырылатынын еске сала кеткен жөн.
Ұйымдастырушылар алдағы уақытта Қазақстанның бірнеше аймағын аралап, дін жолын ұстанатын этникалық топтардың өкілдеріне пандемия кезіндегі қауіпсіздік ережелерін түсіндіруге ниетті.