Сотпен не анықталды:
Сотталушы Е. техникалық ақауы жоқ «Тойота Ариста» маркалы автокөлігін, Тараз қаласы жақтан Аса ауылы бағытына қарай басқарып бара жатып, Қазақстан Республикасының Жол жүрісі қағидасының талаптарын өрескел бұзып, жолдың қарсы бағытына шығып, өз жолымен қарсы бетте келе жатқан «Ваз 2106» маркалы автокөлігінің алдыңғы бөлігімен абайсызда бетпе-бет соқтығысқан. Жол көлік оқиғасы салдарынан «Ваз 2106» маркалы автокөлігінің жүргізушісі және жолаушысы қайтыс болған.
Тараптардың позициясы:
Прокурор сотталушы Е.-ге көлік құралдарын басқару құқығынан 7 жыл мерзімге айыра отырып, 5 жылға бас бостандығынан айыру жазасын тағайындауды сұрады.
Сотталушы Е. кінәсін толық мойындады.
Дәлелдемелер бойынша:
Кінә іс бойынша жиналған дәлелдемелермен: жәбірленушінің, куәгерлер мен мамандардың айғақтарымен, мамандар мен сарапшылардың қорытындыларымен, криминалистикалық зерттеу қорытындыларымен және басқа да заттай дәлелдемелермен дәлелденді.
Сот шешімі:
Сот қылмыстық жауаптылық пен жазаны жеңілдететін мән-жайларға сот оның тұрғылықты жерінен берілген жағымды мінездемелерін, кінәсін толық мойындап шын ниетпен өкінуін, бұрын сотты болмағанын жатқызған. Ауырлататын мән-жайлар сотпен анықталған жоқ.
Сот үкімімен Е. ҚК-нің 345 бабының 4 бөлігімен кінәлі деп танылып, қылмыстық-атқару жүйесінің қауіпсіздігі барынша төмен мекемесінде жазасын өтей отырып, 5 жыл мерзімге бас бостандығынан айыру және 7 жыл мерзімге көлік құралдарын басқару құқығынан айыру жазасы тағайындалды.
Үкім заңды күшіне енді.
Қайнар: Жамбыл облысының қылмыстық істер жөніндегі мамандандырылған ауданаралық сотының баспасөз қызметі
