Алматы қаласында қаңтар оқиғасы кезінде оққа ұшқан 4 жасар Айкөркем Мелдеханға арналған мурал пайда болды.
Masa.media сайты муралдың бір жыл бұрын Назарбаевтың ықпалын жоюды талап еткен сурет салынған жерде пайда болғанын хабарлады.
Муралдан #QazaqKoktemi хэштегін, «Қай аға маған оқ атқан?» деген жазуды байқауға болады. Мурал туралы ақпарат Rukh2k19 тобының инстаграм-парақшасында жарияланды.
Айта кетейік Айкөркем Мелдехан 7 қаңтар күні Алматыда дүкен іздеген жақындарына ілесіп жүрген кезде оққа ұшқан. 4 жасар қыздың 16 жастағы әпкесі жараланған. Ол ақпан айында ауруханадан шықты.
Алайда арада 4-5 сағат өткеннен кейін муралдың өшірілгені туралы ақпарат тарады. Кейбір дерекөздер оны өшірген қала әкімшілігі екенін хабарлады.
Дерекөз-https://kaz.orda.kz/a-tar-o-i-asynda-o-a-sh-an-4-zhasar-yz-a-arnal-an-mural-pajda-boldy/
