Бүгін Тараз қаласындағы қазақ драма театрының салтанат залында Қазақстан Президенті Нұрсұлтан Назарбаевтың
«Президенттің бес әлеуметтік бастамасы» атты халыққа үндеуін талқылау бойынша облыс активі өтті. Активке мемлекеттік мекеме, құқық қорғау органдарының басшылары, жоғары оқу орындарының ректорлары мен қала тұрғындары қатысты.
— «Қазіргі таңда облыс бойынша барлық қаражат көздерінен 399 мың шаршы метр тұрғын үй алаңдарын пайдалануға беру жоспарланған (оның ішінде «Тұрғын үй құрылыс жинақтау банкі» АҚ-ы арқылы халыққа сатылатын 555 жеке тұрғын үйлер және мемлекеттік бюджет арқылы салынатын 10 үйлерде 800 пәтер бар (43,8 мың шаршы метр).
Облыс орталығы және аудан әкімдіктерінде 21,0 мыңнан аса азамат пәтер кезегінде тұр.
Бұл бастама іске асырылған жағдайда қазіргі кездің өзінде 1384 салымшыларға пәтерлерді жинақ банкі арқылы ұсына аламыз (қазіргі кезде 30% құю арқылы 575 салымшы пәтер алуға мүмкіндігі бар).
Оның үстіне, бір жылдың ішінде орта есеппен кемінде 2,0 мың азамат өз жинақ қаражаттарын 20 пайыздық деңгейге жеткізуі мүмкін.
Бұдан басқа, ипотекалық несиенің 7 % -дан аспай 25 жылға берілуі өңірдегі жеке құрылыс компанияларының Екінші Деңгейдегі Банктерден несие алу арқылы коммерциялық көпқабатты тұрғын үйлерді салуға мүмкіндігін арттырады.
Облыстық құрылыс басқармасы айтылған мүмкіншіліктерге орай қосымша 20 үйлердің құрылысын бастауға бюджетке ұсыным дайындайтын болады.
Бұл жобалар қаржыландырылған жағдайда, 2018-2019 жылдары жалпы 2700 пәтерді пайдалануға беру мүмкіндігі туындағалы отыр.
Елбасы берген тапсырмасын іске асыру үшін, Үкімет тарапынан қабылданатын жоспарлар аясында өңірде осы бағыттағы жұмыстарды үйлестіру бойынша тиісті шаралар жүргізілетін болады.
Бұл бағытта жергілікті әкімдер банктер мен салымшылар арасындағы өзара іс-қимылды үйлестіруді тездету керек» — деп мәлімдеді Асқар Мырзахметов.
TURANINFO.KZ
