Тараз қаласы жергілікті полиция қызметі бастығының орынбасары Жақсылық Бүйтеков пен жол-патрульдік полиция батальонының командирі Бақытжан Жолдасбековке қатысты сот процесі басталды деп хабарлайды «TURANINFO.KZ» ақпараттық агенттігі.
Сотқа дейінгі тергеп-тексерулерде біраз жайттардың беті ашылған. Атап айтқанда, қаңтар айының басында Тараз қалалық ЖПҚ бастығы Қ.Төлешев Шу ауданына ауысқаны белгілі. Осы ауыс-түйістен кейін Бүйтеков өзінің басшы болатындығын біліп, қызметтік пәтер берілетіндігі жайлы Жолдасбековке айтып, ол үйге жиһаз алуға автоураган мен жедел іздестіру тобынан ақша жинап тұру керектігін жеткізген. Осылайша, олар қоластындағылардан ақша алған.
Толық пара көлемі 300 мың теңгеге жуық. Ал параны бергені үшін қызметкерлері жұмыста еркінсіп, өздеріне тиесілі қызметтерін толық атқармаған.
