2017 жылдың 11 шілдесі күні сағат 6.00 шамасында «Тойота-Каролла» маркалы автокөлігі қала орталығында орналасқан «Айлара» сауда үйіне барып соқтығысқан.
Жол-көлік оқиғасының салдарынан 21 жастағы көлік жүргізушісі мен оның 2 жолаушысы Тараз қалалық №1 ауруханаға жеткізілді. Қазіргі уақытта көлік жүргізуішісі түрлі дене жарақаттарымен ауруханада жатыр, 1 жолаушы үйіне жіберілді, екінші жолаушы жансақтау бөлімінде қаза болды. Оқиға орнында болған жолаушының айтуынша, жүргізуші көлікті басқару барысында оқыстан денесі құрысып (судороги), көлікті игере алмай соқтығысқан.
Аталған дерек ІІД СДТБТ-ға Қазақстан Республикасы Қылмыстық Кодексінің 345-бабы 1-бөлімімен тіркелді. Қазіргі уақытта сотқа дейінгі тергеу амалдары жүргізілуде.
ЖАМБЫЛ ОБЛЫСЫ ІІД БАСПАСӨЗ ҚЫЗМЕТІ
