ҰРПАҚТАР САБАҚТАСТЫҒЫ
Аға буынның жинақтаған тәжірибесін, білігін, парыз бен намыс ұғымын сақтап, жеткізу — келешек ұрпақтың алдағы жетістіктерін одан әрі дамыта түсетін негізгі бастау болып табылады.
Мемлекеттік қызметшілердің өсіп келе жатқан буынына патриоттық және адамгершілік тәрбие беру, сондай-ақ мемлекеттік қызметтің имиджін көтеру мақсатында, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаменті Елбасының қабылдауында болған «Үздік мемлекеттік қызметші» республикалық байқауының жеңімпаздары М.Бектұрғановпен және А.Медетбековпен, мемлекеттік қызмет ардагерлері К.Е.Төлендиевпен, С.А.Сейдәзімовпен және Қоғамдық кеңес төрағасы Ж.К.Кәрібаевпен кездесу өткізді.
Сонымен қатар, мемлекеттік кызметке жаңадан қабылданған жас қызметкерлермен кездесуге облыс әкімдігінің бірқатар басқармаларының басшылары, оның ішінде басшылық лауазымдағы тәжірибесі мол әйел қауымынын да қазметкерлері шақырылды.
Департамент басшысы М.Ы.Нәлібаев өзінің бастама сөзінде байқау жеңімпаздарын құттықтап, оларға мемлекеттік қызметшінің жоғары атағын абыроймен алып жүруді, өз міндеттерін орындау барысында тек заңдылық, әділдік және адалдық қағидаларын башылыққа алуды тіледі.
Ұрпақтар сабақтастығының өзіндік бір мысалы ретінде қазіргі мемлекеттік қызметшілерді ел игілігі үшін бар ынтасымен жұмыс істеуге шақырған мемлекеттік қызмет ардагерлерінің лебізін айтуға болады.
Кездесу еркін және салиқалы сұхбат түрінде өтіп, мемлекеттік қызметшілердің өскелең ұрпағы елге қызмет ету үшін қажетті тәжірибені бойға сіңіру үшін біршама мүмкіндік алды.
Естеріңізге салсақ, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасымен Президент Әкімшілігінің қолдауының арқасында тұңғыш рет «Қазақстан Республикасының үздік мемлекеттік қызметшісі» байқауы өтіп, нәтижесінде 12 үздік қызметші анықталған болатын.
Айжан Мадимарова
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша Департаменті
