«Тоқыма клубы» әлеуметтік жобасы өз жұмысын бастады
Елбасы Н.Назарбаевтың «Болашаққа бағдар: рухани жаңғыру» атты мақаласынан туындайтын тапсырмаларды қала көлемінде іске асыру, азаматтарды бойында адамгершілік-рухани, мейірімділік қасиеттерін дамыту. Сондай-ақ, қоғамның қайырымдылыққа бет бұруына баулу мақсатында «Тоқыма клубы» жобасының тұсауы кесілді.
Бұл жобаны іске асыруға Тараз қалалық мәслихатының жас депутаты С.Берікқожа бастама көтеріп, осы идеяны қолдаушылар мен демеушілердің басын біріктірген. Атап айтар болсақ, жобаға қызығушылық танытқан Жамбыл облысның кәсіптікодақтар орталығы өз ғимаратынан жеке бір кабинетті жабдықтап берді. Алдағы уақытта осы «Тоқыма клубының» жұмысын одан әрі дамытуды «Мейірім шуағы» еріктілер ұйымы өз мойнына алып отыр.
Ұйымдастырушылар клубдың басты мақсаты тоқыманы білетіндер кез-келген қала тұрғындарын тоқыма өнеріне баулу және олар сәбилер мен балаларға арналған бұйымдар тоқиды. Дайын киім-кешектерді қаламызда орналасқан сәбилер мен балалар үйіне сыйға тартылады – деп жоспарлап отырғандарын атап өтті.
Алдағы уақыттарда бұл жоба қаламызда орналасқан екі қарттар мен мүгедектерге арналған интернат үйіндеде жүргізу туралы жоспарымен бөлісті.
TURANINFO.KZ
