Шуда Тортаевтан кейін кім ерледі?
Кезекті мақаламыз тоғыз жолдың торабында орналасқан Шу ауданы туралы болмақ. Елбасының 2012 жылғы 13 қарашадағы № 426 Жарлығы негізінде Шу ауданы аумағында құрылған, жобалық-сметалық құны 2 миллиард 725 миллион долларды құрайтын құрамында әлемдік нарықта үлкен сұранысқа ие ең жаңа химия өнімдерін өндіретін 16 кәсіпорны бар «Тараз химиялық паркі» арнайы экономикалық аймағы серпін бермек. Сіздер оқып отырған мақала ол жайлы емес, Шудағы жастарға қалай көңіл бөлінуі туралы. 2012 жылдың қаңтарынан 2013 жылдың маусым аралығында Шу ауданын Ілияс Әлімұлы Тортаев басқарып, жастарға әсіресе Жастар ресурстық орталығына жаңа ғимарат пен жаңа жеңіл көлік, жаңа газель берген еді. Осыдан кейін жастарға көңіл бөлу тоқталып, олар түрлі форматтағы іс-шараларды ұйымдастырумен ғана шектелді. Уақыт бір орнында тұрмайды. Оларға берілген жеңіл көлік Шудың жолдарынан шаршап шалдығып жүру шамасы келмеген көлік есептен шығарылып, ал Ілияс Әлімұлы берген Газельді сол кездегі әкім болған Бақытжан Нүркенов жастардан алып қойғанын да көзіміз көрді. Ол енді өтті кетті, қазір қалай? Жаңа әкім, жаңа серпіліс демекші Қайрат Әскербекұлы Досаев: «Жастардың ахуалы қандай?, енді жастарға көңіл бөлмесек кімге көңіл бөлеміз, жастар елдің болашағы» деп Тәуелсіз елдің ұрпақтарына су жаңа ГАЗель мен жеңіл көлік алуға аудандық бюджеттен бөлгізіп, жастармен жұмыс жасайтын қызметкерлердің серпіндіріп оларды жаңа бастамаларды қолдайтындығын көрсетіп отыр. Кеше ғана Шу ауданына жедел түрде облыстық прокурор келіп, жастарды ашық аспанда қабылдау жүргізді. Прокурор жаңа форматтағы басшы екендігін тағыда дәлелдеді.
TURANINFO.KZ
