Жамбыл облысы әкімдігі білім басқарма басшысының бұйрығымен Жамбыл ауданы білім бөлімінің басшысы болып Бақытұлы Қуаныш тағайындалды деп хабарлайды TURANINFO.KZ ақпарат агенттігі
Жаңа басшыны Жамбыл облысы әкімдігі білім басқарма басшысының орынбасары Ләззат Қызылқұлова таныстырды.
Қуаныш Бақытұлы 1992 жылы 01 маусымда Жамбыл облысы Жамбыл ауданы Аса ауылында дүниеге келген.
2014 жылы Тараз Мемлекеттік педагогикалық институтын «Қазақ тілі мен әдебиеті пәнінің мұғалімі» мамандығы бойынша тәмамдаған.
2017 жылы Тараз Мемлекеттік педагогикалық институтын «Информатика пәнінің мұғалімі» мамандығы бойынша тәмамдаған.
Еңбек жолын 2014 жылы Жамбыл облысы Жамбыл ауданы әкімдігінің білім бөлімінің Б.Момышұлы атындағы орта мектебінің қазақ тілі мен әдебиеті пәнінің мұғалімі, болып бастаған.
2015-2015 жылдары Жамбыл ауданы әкімдігінің «Жастар орталығы» мемлекеттік мекемесінде Жастар ісі жөніндегі кеңесшісі;
2015-2018 жылдары Жамбыл облысы Жамбыл ауданы әкімдігінің білім бөлімінің әдіскері;
2018-2020 жылдары Жамбыл облысы Жамбыл ауданы әкімдігінің білім бөлімінің бас маманы;
2020 жылдан бүгінгі күнге дейін Жамбыл облысы әкімдігінің білім басқармасы Жамбыл ауданының білім бөлімінің сектор меңгерушісі.
2025 жылдың қараша айынан бастап Жамбыл облысы әкімдігінің білім басқармасы Жамбыл ауданының білім бөлімінің басшысының міндетін уақытша атқарып келді
