ТАРАЗ. Бүгін Әлихан Бөкейхан атындағы №1 гимназиясында қалалық әкелер конференциясы өтті.
Мақсаты: Бала тәрбиесінде отбасында әкенің рөлін көтеру
Алғысөзді Облыстық ардагерлер кеңесінің төрағасы Еркімбек Солтыбаев бастап, Жамбыл облысы ардагерлер кеңесі жанынан құрылған әкелер кеңесінің төрағасы Сәрсенбай Мыңбаев, М.Х.Дулати атындағы Тараз университеті «Педагогика және әлеуметтік ғылымдар» факультетінің аға оқытушысы, «TALDAU» социологиялық және маркетингтік зерттеулер орталығы» қоғамдық бірлестігінің төрағасы Бақыт Әлмұратов, Жамбыл облысы прокурорының кәмелетке толмағандар бойынша аға көмекшісі Данияр Кемелхан, Қазақстан Республикасындағы Адам құқықтары жөніндегі уәкілдің Жамбыл облысы бойынша өкілі Еркін Қуанышев, Сараптамалық кеңес мүшесі Дәмеш Үскімбаева пікірлерін ортаға салды.
Әкелерге «Бала тәрбиесі – басты құндылық!» сахналық қойылымы жүрекке жетті. Ал, мектептегі білім алатын оқушылардың әкелерден құрылған үш топ бағыттар бойынша ортақ мүдделер туралы ой білдірді.
Конференцияға қатысушылар шараның өткізудің өзектілігін, жауапты әке болу мәдениетін нығайту және ұлттық тәрбиенің өзіндік ерекшелігін жаңғырту арқылы балалардың құқықтары мен мүдделерін қорғау және қазақстандық отбасын сауықтыру бойынша күш-жігерді шоғырландыру қажеттігін атап өтті.
Конференцияға қатысушылар әкелердің бала тәрбиесіне көбірек көңіл бөлуіне, олардың оқуына, денсаулығы мен демалысына қызығушылық танытып, отбасында, туған өлкесінде құрмет пен сүйіспеншілікке тәрбиелеуге шақырады. Әке баласы үшін тұлғалық және рухани кемелдіктің үлгісі болуы қажет деп тарқасты.
