Дастан Әлібекұлы Айдарханов және Бауыржан Бақытжанұлы Есеев Жамбыл облысы әкімі аппараты басшысының орынбасары лауазымына тағайындалды.
Дастан Әлібекұлы 1992 жылы дүниеге келген. Білімі жоғары.
2014 жылы Vistula университетін (Варшава қ., Польша) «Халықаралық бизнес» (бакалавр), 2019 жылы Қазақстан Республикасы Президенті жанындағы Мемлекеттік басқару академиясында «Мемлекеттік саясат» мамандығы бойынша білім алып, магистр дәрежесіне ие болды. 2020 жылы Жәңгір хан атындағы Батыс Қазақстан аграрлық техникалық университетін «Мемлекеттік және жергілікті басқару» мамандығы (бакалавр) бойынша бітірген.
Еңбек жолын 2015 жылы Қазақстан Республикасы Қаржы министрлігі Мемлекеттік кірістер комитеті Резидент еместерге салық салу басқармасында сарапшы ретінде бастап, 2017-2019 жылдары аралығында бас сарапшысы қызметін атқарған.
2019 жылы Қазақстан Республикасы Қаржы министрлігі Мемлекеттік қарыз алу департаментінің бас сарапшысы, 2020-2021 жылдары Қазақстан Республикасы Премьер-Министрі орынбасарының кеңесшісі, 2021-2022 жылдары Қазақстан Республикасы Еңбек және халықты әлеуметтік қорғау министрлігі Еңбекақы төлеу басқармасының басшысы болып еңбек етті.
Сондай-ақ 2022-2023 жылдары Қазақстан Республикасы Қаржы министрлігі Мемлекеттік кірістер комитетінің Мамандандырылған департаментінің сарапшысы, 01.2023-06.2023 жыл аралығында Ақтөбе облысының Кәсіпкерлік басқармасы басшысының орынбасары, 07.2023-01.2024 жылдары Ақтөбе облысы әкімі аппаратының ақпараттық-талдау бөлімінің бас инспекторы болды.
2024-2025 жылдары аралығында Жамбыл облысы әкімінің көмекшісі лауазымында қызмет атқарды.
Бауыржан Бақытжанұлы 1989 жылы Жамбыл облысы Шу ауданы Шу қаласында дүниеге келген. Білімі жоғары.
Еңбек жолын 2011 жылы Шу ауданы әкімдігінің қаржы бөлімінің экономисті болып бастаған.
Әр жылдары Жамбыл облысы Шу ауданы әкімі аппаратында бас маман, бас инспектор, бөлім басшысы, аппарат басшысы, сондай-ақ Шу қаласы әкімінің орынбасары қызметтерін атқарған.
Сонымен бірге Жамбыл облысы Тараз қаласы әкімі аппаратының ұйымдастыру-инспекторлық бөлімшесінің басшысы, Жамбыл облысы әкімі аппаратында бас инспектор, бөлім басшысы лауазымында еңбек етті.
2022 жылғы наурыз айынан бастап бүгінгі күнге дейін Т. Рысқұлов ауданы әкімінің орынбасары лауазымында қызмет атқарып келді.
