Облыста 2016 жылы 281 заңды тұлға мемлекеттік тіркеу, филиал мен өкілдік есептік тіркеуден өткен.

Өңірлік коммуникациялар қызметінің алаңында Жамбыл облысы бойынша Әділет департаментінің 2016 жылы атқарған жұмыстар туралы баспасаз конференциясы өтіп, оған Жамбыл облысы бойынша Әділет департаментінің басшысының орынбасарлары Дәурен Дайрабаев, Жайықбай Шалдаров және Шыңғыс Айнақұловтар қатысты.
Журналистермен болған басқосу барысында Департамент басшысының орынбасары Дәурен Дайрабаев хабарлама жасап, ҚР 2002 жылдың 18 наурызындағы «Әділет органдары туралы» Заңымен белгіленген Әдiлет органдарының мемлекеттiк қызметтерді көрсету саласындағы функцияларына тоқталып өтті. Оның айтуынша, бақылау және құжаттамалық қамтамасыз ету бойынша өткен жылдың 12 айында құжат айналымының көрсеткіштері жалпы кіріс саны – 88 328 келіп түссе, оның ішінде қазақшасы – 67 737, орысшасы – 20 591 болыпты. Жалпы шығыс саны – 87 096 жіберілген болса, оның барлығы қазақ тілінде жіберілген.
2016 жылдың 12 айында ХҚКО арқылы түскен құжаттар бойынша 47 837 жылжымайтын мүлікке құқықтарды мемлекеттік тіркеу жүргізіліп, 14 360 жылжымайтын мүлікке құқықтар электрондық түрде тіркелінген. Жалпы, есепті кезеңде бюджетке түскен жалпы алым сомасы 100 671 869,25 тенгені құраған, оның ішінде жедел тәртіппен жүргізілген тіркеу үшін бюджетке түскен сомасы – 17 067183 теңге. Сонымен қатар өткен жылы облыс аумағында 281 заңды тұлға мемлекеттік тіркеу, филиал мен өкілдік есептік тіркеуден өткен. Ал 671 заңды тұлға мемлекеттік қайта тіркеуден өткен, филиал мен өкілдік есептік қайта тіркеуден 206 заңды тұлғалар және филиалдар мен өкілдіктер жарғыларына енгізілген өзгерістер мен толықтырулар тіркелген.
Бүгінгі күні өңірде барлығы 52 жеке сот орындаушылары өз қызметтерін атқаруда, оның ішінде Тараз қаласы 34 жеке сот орындаушысымен, ал қалған 10 аудан 18 жеке сот орындаушыларымен қамтылған. 2016 жылдың қаңтар айынан бастап осы күнге дейін жеке сот орындаушылар өндірісінде 32 531 396 695 теңгені құрайтын 112 156 атқару құжаты орындалған.
Департамент басшысының орынбасары еліміздің әлемнің дамыған 30 елінің қатарына кіру үшін Дүниежүзілік экономикалық форумның Жаһандық бәсекеге қабілеттілік индексіндегі көрсеткіштерін жақсарту мақсатында Әділет министрлігіне бекітілген 4 индикатор бойынша жұмыстың жалғасып жатқандығын да тілге тиек етті. Сондай-ақ ол халық арасында, дамыған 30 елдің қатарына кіруде Жаһандық бәсекеге қабілеттілік индек көрсеткіштерін жақсартудың маңыздылығына тоқталып, кәсіпкерлікті дамытуға жағдай жасау, кәсіпкерлікпен айналысуға кедергі келтіретін әкімшілік кедергілерді жою, яғни Қазақстан Республикасының заңнамаларына енгізілген өзгерістерді соның ішінде, ҚР «Кәсіпкерлік туралы», «Әкімшілік құқық бұзушылықтар туралы» Кодекстерін түсіндіру, Ұлт жоспары «100 нақты қадамның» 27 қадамы жеке сот орындаушылар институтын дамыту мәселелеріне тоқталды.
— Барлық бағыттар бойынша мемлекетіміздің Жаһандық бәсекеге қабілеттілік индексі көрсеткіштерін жақсарту, ол мемлекеттік органдар қызметінің жақсы нәтижесі болып табылады. Сол мақсатта еліміздің Жаһандық бәсекеге қабілеттілік индексі рейтингісіндегі позициясын жақсарту мақсатында 2015 жылдың 21 сәуірінде өткен Қазақстан Республикасы Үкіметі отырысының №18 хаттамасымен іс-шаралар Жоспары бекітілді. Сол жоспардың 7 индикаторы бойынша Қазақстан Республикасы Әділет министрлігі орындаушы, соның ішінде 4 индикатор бойынша негізгі, ал қалған 3 индикатор бойынша қосалқы орындаушы болып табылады, — деді Дәурен Жигули ұлы. Сондай-ақ ол департаменттің осы жылға қойған мақсаттарымен де бөлісті.