Оның үстіне, айрықша нысандағы кәсіп иелеріне халық тарапынан қойылатын талап та жоғары. Әділдігіне жүгінсек, талайларды тәубесін келтіріп, қауіп пен қатердің ортасында жүретіндер – Ішкі істер органдары қызметкерлері. Осы себепті, олар кәсіби қызметінде немқұрайлылыққа бой алдырмауы тиіс. Сондай-ақ, олар кез келген жағдайда салқынқанды ой қорытып, психологиялық тұрғыда өте мықты болуы шарт.
Жамбыл облысы бойынша Қылмыстық-атқару жүйесі департаментіне бағынысты қауіпсіздігі барынша төмен №26 түзеу мекемесінде өткен жиында осы мәселе жөнінде кеңінен айтылды. Басқосу барысында мекеме психологы Айгерім Саурбаева жеке құрам қызметкерлеріне сотталғандар арасында өз-өзіне қол жұмсау фактілерінің алдын алу шаралары бойынша нұсқаулық беріп, тиісті түсіндірме жұмыстарын жүргізді. Ол өз сөзінде бас бостандығынан айырылған азаматтар психологиялық тұрғыда эмоционалды болатындығын айтып, жеке құрам қызметкерлерінің жазасын өтеушілермен қарым-қатынасы кезінде қырағылық танытуы аса маңызды екенін жеткізді.
Сондай-ақ, ол жеке құрам қызметкерлері сотты болғандар арасында өз-өзіне қол жұмсау әрекеттері байқалған жағдайда тез арада шешім қабылдауы қажеттігін де ескертті.
