«Ардагерлеріміз-Ардақтыларымыз» мемлекеттік гранты аясында уәкілетті органдар өкілдері мен ардагерлердің қатысуымен өңірді дамыту міндеттері мен өзекті мәселелерін шешуге арналған диалог алаңы ұйымдастырылды. Бұл шара аймақтың тұрақты дамуына бағытталған пікір алмасу мен тәжірибе бөлісу алаңына айналды.
Шараның маңыздылығы: – ардагерлердің өмірлік тәжірибесін қоғам игілігіне пайдалана отырып, өңірдегі әлеуметтік және экономикалық мәселелерді шешу үшін бірлескен шешімдер қабылдау. Шараға түрлі деңгейдегі мемлекеттік органдар мен жергілікті қоғамдастықтың өкілдері қатысып, өзара пікір алмасты.
Кездесу бірнеше өзекті тақырыптарды қамтыды:
1. Ұрпақтар сабақтастығын нығайту: жастарды патриоттық рухта тәрбиелеу және олардың қоғамдық өмірге белсенді қатысуын қамтамасыз ету;
2. Әлеуметтік тұрақтылық: ауылдық жерлердегі инфрақұрылымды жақсарту және тұрғындардың өмір сапасын арттыру;
Ардагерлер өз баяндамаларында өңірдің дамуына қажетті нақты ұсыныстарын ортаға салды. Уәкілетті органдардың өкілдері мемлекеттік бағдарламалардың жүзеге асырылу барысы туралы ақпарат беріп, олардың тиімділігін арттыру жолдарын талқылады.
