Алғаш рет ұйымдастырылып отырған шараға аудан әкімінің орынбасары Рүстем Қалмұханбетұлы мен ішкі саясат бөлімінің басшысы Мадина Ерғалиқызы арнайы қатысып, жастарымызды айтулы мерекесімен құттықтап, байқауға қатысушы жастарға сәттілік тіледі.
Байқаудың ережесіне сай, ұлдар қарбызды белгілі бір уақыт аралығында жеп жарысса, қыздарымыз қарбыздан түрлі бұйымдар жасады.
Шара барысы тартысты әрі қызықты өтті. Жеңімпаз жастарымыз алғыс хат және бағалы сыйлықтармен марапатталды. Одан бөлек, жастар қарбыз және қауыннан құралған шахматтан жарысты.
Кештің қорытындысы ауданның өнерпаз жастарынан құралған “Акустик NIGHT” атты акустикалық кешпен қорытындыланды.
Байзақ аудандық «Жастар ресурстық орталығы» КММ
