1037 мүгедектігі бар адамға реабилитациялаудың және оңалтудың жеке бағдарламасы әзірленген.
Жыл сайын мүмкіндігі шектеулі азаматтарға бюджеттен жеткілікті мөлшерде қаражат бөлініп, әлеуметтік қызметтер порталы арқылы тиісті құралдарымен қамтамасыз етілуде.
2023 жылы мүмкіндігі шектеулі азаматтардың құқықтарын қамтамасыз ету және өмір сүру сапасын жақсарту бойынша 201,0 миллион теңге қаражат қарастырылып, толық игерілді. Абилитациялаудың және оңалтудың жеке бағдарламасына сәйкес 1361 көмек түріне өтініш түсіп, толық орындалды.
Ал биылғы жылы мүмкіндігі шектеулі азаматтардың құқықтарын қамтамасыз ету және өмір сүру сапасын жақсарту бойынша 219,4 млн теңге қаражат қарастырылып, оның бүгінгі күнге 62,3 млн теңгесі игерілді. Абилитациялаудың және оңалтудың жеке бағдарламасына сәйкес 675 көмек түріне өтініш түсіп, оның 461-і орындалды, қалғаны орындалу үстінде.
Ауданда мүгедектігі бар адамдарды әлеуметтік қорғау мәселелері жөніндегі аудандық консультациялық кеңесшілердің қатысуымен ведомствоаралық комиссия құрылған. Бекітілген жоспарға сай комиссия отырысы уақытылы өткізіліп тұрады. Комиссия отырысында барлық сала бойынша мүмкіндігі шектеулі азаматтармен атқарылған жұмыстар қаралады.
Үйде күтім көрсету жағдайында арнаулы әлеуметтік қызмет көрсету бөлімшесі арқылы қызмет алушы мүгедектігі бар балалармен жыл сайын мерекелік іс-шаралар өткізіліп тұрады.
Аудандағы жартылай стационарлық үлгідегі күндізгі бөлімде 15 адамға (қарттар мен мүгедектігі бар адамдар) «Элай-Құлан» мүгедектердің қоғамдық бірлестігі арқылы арнаулы әлеуметтік қызметтер көрсетіледі.
Айта кету керек, Сәуле Өнгенбайқызының бастамасымен құрылған «Элай-Құлан» қоғамдық бірлестігі 2016 жылдан бастап жұмыс жасап келеді. Қазіргі таңда бұл мекемеде 15 қартпен қоса 20 мүмкіндігі шектеулі бала тұрып жатыр.
