Инженерлік инфрақұрылым нысандарының құрылысы: «Хамукат» тұрғын алқабын электр, газ желісімен қамтамасыз ету бойынша ЖСҚ әзірленуде. 15 шағын ауданында кварталішілік инженерлік желілерді салу және магистральдық желілерді кеңейту бойынша және газбен жабдықтау, кәріз, сужелілелерінің құрылысы аяқталды.
«Бурыл А,Б,В» тұрғын алқабына33,7 шақырымды құрайтын 75 көшеге асфальт жол төсеу қарастырылған. Өткен жылы 13 көше асфальтталды. Қалған 62 көшені биыл аяқтау жоспарлануда. Ал, «Барысхан» тұрғын алқабына асфальт жол жабындысын төсеу бойынша жалпы ұзындығы 16,2 шақырымды құрайтын 24 көшеге асфальт жабындысын төсеу қарастырылған.
2024 жылы 1,2 млрд. теңгеге «Шалғай Қарасу 1,2,3,4,5,6,7» алқабы және 859,5 млн. теңгеге «Ақжол», «Қайнар», «Мичуринец», «Родничок» алқаптарын орталықтандырылған ауыз сумен қамтылады.
Сапалы ауыз сумен үздіксіз қамтамасыз ету мақсатында жаңадан бұрғыланатын 35 дана су ұңғымасының құрылысы бойынша ЖСҚ әзірленуде.
Айшабибі көшесінен Сүлейменов көшесіне дейін «Төрткөл» алқабының су құбырын және Бас су мұнарасынан ТЭО-4-ке дейінгі магистралды су құбырларын жаңғыртуға ЖСҚ әзірленуде. Абай даңғылы, Қойгелді, Асқаров, Көшек батыр, Желтоқсан және Ниетқалиев көшелеріндегі магистралды су құбырларын жаңғыртуға ЖСҚ әзірленіп, республикалық бюджетке ұсынылады.
Сарқынды суларды тазарту имаратының құрылысын салу (КОС)бойынша жол картасы әзірленді. Жол картасына сәйкес, Еуропалық Қайта Құру және Даму Банкінен грант бөлініп, техника-экономмикалық негіздеме әзірленді.
2024 жылы 78,1 шақырымды құрайтын 110 көшені орташа жөндеу жоспаралануда.
4,8 млрд. теңгеге Қойгелді көшесі(Төле би даңғылынан Қапал көшесіне дейін), Рысбек батыр көшесі(Төле би даңғылынан Сүлейменов көшесіне дейін) және Асқаров көшесі(Байтасов көшесінен айналма жолға дейін) қайта жаңғыртудан өтеді.
Жол қауіпсіздігін қамтамасыз етуге жол белгісін орнату, бағдаршамды ұстау, авариялық жағдайды қалпына келтіруге 2024 жылы 420,0 млн. теңге қарастырылды.
