САРЫСУДА ПРОБАЦИЯЛЫҚ ЕСЕПТЕ ТҰРҒАНДАРҒА КӨМЕК БЕРІЛУДЕ деп хабарлайды «TURANINFO.KZ» ақпарат агенттігі.
Сарысу ауданында «Жамбыл облысы жастар ұйымдарының Қауымдастығы» заңды тұлғалар бірлестігінің ұйымдастырумен өмірлік қиын жағдайға түскендерді, мемлекеттік бас бостандығынан айыру орындарынан босатылатындар мен босатылғандар және пробация қызметінде есепте тұратын азаматтарға психологиялық, әлеуметтік, заңгерлік көмек беру жұмыстары жүргізілді. Аудандық пробация қызметінде есебінде тұратын азаматтарға «egov.kz» порталы арқылы жеке тұрғын үй құрылысына жер учаскесін 10 сотық алуға кезекке тұруға, жұмыссыз жүрген жастарға «Жастар тәжірбиесі» мемлекеттік бағдарламасы түсіндірілді. Пробация бөлімшесінде есепте тұрғандарды қоғамға бейімдеу және оңалту мақсатында «Жақсы ойын өрнегі» атты дойбыдан жарыс өткізіліп, жеңімпаздарға диплом және бағалы сыйлықтармен марапатталды. Агрессиялық мінез-құлықты анықтау мақсатында «Мейірімді болса жүрек – орындалар тілек» тақырыбында психологиялық тренингтер өткізіліп, сауалнамалар алынды.
Бас бостандығынан айыру орындарынан босатылған 1 азаматқа тіркелмеген тұрғылықты мекен-жайын тіркеп және жеке куәлігін алуға ықпал жасалды. Сонымен қатар, жеке кәсібін ашуға ниеттеніп жүрген бас бостандығынан айыру орнынан босатылған 1 жасқа «Бастау Бизнес» жобасы бойынша кәсіпкерлік негіздеріне оқыту сертификатын алуға бағыт-бағдар беріп, қазіргі таңда мемлекеттік қайтарымсыз грантты алуға өз кезегін күтуде.
