COVID-19-дың таралуын болдыртпау жөніндегі ведомствааралық комиссия отырысында ҚР Денсаулық сақтау министрі Ажар Ғиният елдегі эпидемиологиялық жағдай туралы хабарлады.
«ҚР — да соңғы аптада КВИ — дің 8 156 жағдайы тіркелді және өткен аптамен салыстырғанда аурушаңдық 3,2 есеге, яғни, 2558-ден 8156-ға дейін өсті», — деп хабарлады министр.
Бұл ретте ауырғандардың 78%-ы Нұр-Сұлтан, Шымкент қалалары мен Алматы облысына тиесілі, онда аптасына КВИ-дің 500-ден астам жағдайы тіркелуде.
«Науқастардың вакцинациялау мәртебесін талдау кезінде 89% — ы вакцинацияланбаған немесе 6 ай бұрын вакцинациядан және ревакцинациядан өткен адамдар екендігі анықталды», — деп атап өтті ҚР ДСМ басшысы.
А.Ғиният КВИ-мен сырқаттанушылықтың көтерілуіне байланысты ДСБ және өңірлердің медициналық ұйымдарының басшыларымен пациенттерге медициналық көмек көрсету мәселелері бойынша дайындық жұмыстары жүргізілгенін хабарлады.
Республика бойынша инфекциялық төсектерді жұмыспен қамту 30%-ды, реанимациялық төсектерді қамту 5%-ды құрайды.
Денсаулық сақтау министрі Денсаулық сақтау басқармаларына КВИ-дің дайындығын қамтамасыз ету және оның таралуының алдын алу бөлігінде ұсынымдар берді. Мәселен, өңірлердің ДСБ сүзгі-кабинеттердің жұмысын күшейту; МСАК ұйымдарына барудың шыңы сағаттарында пациенттер легінің бөлінуін ерекше бақылауға алу; барлық МСАК ұйымдарында дайындық чектері бойынша мониторинг жүргізу қажет.
Жалпы халықтың бірінші компонентімен вакцинациялаумен қамту 56,6% – ды, екінші компонентімен қамту 55,1% — ды құрады.
Ревакцинацияны 4,8 млн. адам немесе жататын халықтың 67,9%-ы алды.
«Мемлекет басшысының Үкіметтің кеңейтілген отырысында берген тапсырмасын орындау барысында және науқастардың 80% — дан астамы вакцинацияланбаған адамдар екенін ескере отырып, өңірлер халықты қайта вакцинациялау науқанын жандандыруы қажет», — деп атап өтті А.Ғиният.
