29 желтоқсанда Полиция департаментінің басшылығы өмірде қиын жағдайға тап болған балаларды қолдау орталығының қамқорлығындағы балаларға барды. Полицейлер осы мекеменің бұрыннан келе жатқан достары болып табылады және он жылдан астам уақыт бойы тәрбиеленушілерді мерекелерімен құттықтап келеді.
Қонақтар үшін Аяз ата және Ақшақармен әсерлі қойылым және мерекелік концерт дайындалды. Қыздар мен ұлдар ән айтып, өлең оқып, би биледі. Ал жаңа жылдық шыршаның айналасында дөңгелене билеген биден кейін полицейлер балаларға кондитерлік өнімдер мен мерекелік торттар салынған сыйлық жиынтықтарын табыс етті. Балалар орталығының тәрбиеленушілерінің барлығына жаңа жылдық сыйлықтар табысталды.
«Жаңа жыл — жылылық, жақсылық пен махаббат мерекесі. Жыл сайын осы сиқырлы мереке қарсаңында біз балаларымызға қонаққа келеміз. Әрқайсыңызға бақыт, денсаулық, қуаныш, сәттілік тілейміз. Барлық балалар өз елінің лайықты патриоты болатынына сенімдімін» – деді Жамбыл облысы ПД бастығының орынбасары полиция полковнигі Нұржан Қалметов .
Полиция қызметкерлері бұл мерекенің балалардың жадында ұзақ уақыт сақталуы үшін қолдарынан келгеннің бәрін жасады, ал ұмытылмас әсерлер одан әрі жетістікке жетуге түрткі болатыны белгілі.
