Аса ауылында ағымдағы жылдың 03 қарашадан бастап 02 желтоқсанға аралығында ҚР Тәуелсіздігінің 30 жылдығына орай «Болашаққа бағдар: рухани жаңғыру» мақаласы «Дәстүр мен ғұрып» жобасы аясында «Ауылым -алтын бесігім!» атты ауылдық округтер арасында өнер байқауы ұйымдастырылды. Ауылым — алтын бесігім фестивалі 17 ауылдық округ, 17 мәдени шара өткізілді. Аудан тұрғындары 1 айдан аса уақыт мерекелік шараларға куә болды. Жаңа өнер түрлерін, жаңа есімдерді таныды. Шектеу шараларынан соң халықтың еңсесі біршама көтеріліп, серпіліп қалғандығына сенімдіміз. Тәуелсіздік мерекесі қарсаңында аудан әкімі Сәкен Қаланұлы Арубаевтың бастамашы болуымен ұйымдастырылған атаулы шара, өз дәрежесінде аталып өтті. Алдағы уақытта да аудан халқы үшін мәдени шаралар жалғасын табатын болады. Фестивалдің мақсаты еліміздің мәдениетін, салт-дәстүрін кеңінен насихаттап, ауыл өнерпаздарының шығармашылық, кәсіптік деңгейін, тыныс тіршілігін, халыққа мәдени қызмет көрсетудегі бағыт-бағдарын анықтау.
