2021 жылғы 16 тамызда Жамбыл облысына COVID-19-ға қарсы вакцинацияның 1-турын өткізу үшін Sinopharm компаниясының Қытай өндірген Vero Cell вакцинасының 20 мың дозасы жеткізілді.
Sinopharm вакцинасы Пекин биологиялық өнімдер институтымен әзірленген, Қазақстанда тіркелген бесінші вакцинаға айналды. Sinopharm вакцинасы қазақстандықтарға Hayat-Vax сауда атауымен белгілі. Жалғыз айырмашылық — Hayat-Vax БАӘ-де, VeroСell-Қытайда Sinopharm компаниясында шығарылады. Бұл екпені Дүниежүзілік денсаулық сақтау ұйымы 2021 жылғы 7 мамырда қолдану үшін мақұлдады. Ол қауіпсіз және тиімді деп жіктелген алғашқы Қытай препараты, 45 елде ересектерге егуге рұқсат етілген.
Бүгінгі таңда Қытайдан басқа, вакцина БАӘ мен Сербияда өндіруге мақұлданды. Сонымен қатар, Қытай мен БАӘ Sinopharm фармакологиялық компаниясының белсенді емес вакцинасын 3 пен 17 жас аралығындағы балаларға шұғыл қолдануды мақұлдады. ДДҰ 18 жасқа толған адамдарға Vero Cell сұйықтығын егуді ұсынады.
Вакцина белсенді емес, бұл аурудың пайда болу қаупінсіз иммундық жүйені ынталандырады. Ол екі дозалы, сақтау мерзімі-24 ай. Оның ерекшелігі – жеткізу кезінде мұздатқышты қажет етпейді, +2 +8 С температурада сақталады және тасымалданады.
Vero Cell препаратының бір дозасы 0,5 мл құрайды, вакцинаның екі дозасын (әрқайсысы 0,5 мл) 3-4 апта немесе 21-28 күн аралықпен енгізу ұсынылады. Егер екінші дозаны алу 4 аптадан ұзақ уақытқа созылса, оны мүмкіндігінше тездетіп енгізу қажет.
3 күн ішінде егуді алғаннан кейін күтілетін жанама әсерлер: инъекция орнындағы ауырсыну, дене температурасының шамалы көтерілуі, бастың ауруы, шаршау сезімі және басқалар.
Қарсы көрсетілімдер: 18 жасқа толмаған адамдарға, жүкті және бала емізетін әйелдерге, препараттың кез келген компонентіне ауыр аллергиялық реакцияларда, дене қызуы 38,5 градустан жоғары адамдарға, жүйке жүйесінің құрысу синдромы бар үдемелі аурулары кезінде.
Вакцина Тараз қаласы мен облыс аудандарының барлық емханалары мен медициналық орталықтарына таратылды. Облыс өңірлерінде COVID-19- ға қарсы VeroСell екпесімен егу жұмыстары 2021 жылғы 17 тамыздан басталды.
Бір күн ішінде осы вакцинаның 1 турына 100-ден астам адам егілді. Вакцина алғандар тарапынан денсаулығына теріс әсер беріп, шағым келтіргендер тіркелген жоқ. Егу жұмыстары жалғасуда.
Денсаулық сақтау басқармасының баспасөз қызметі
