Жамбыл облысының білім саласында сапаны қамтамасыз ету департаменті білім беру ұйымдарында Қазақстан Республикасы заңнамаларының және білім саласындағы нормативтік құқықтық актілердің, мемлекеттік жалпыға міндетті білім беру стандарттарының орындалуына мемлекеттік бақылауды жүзеге асырады. Соның ішінде профилактикалық бақылау жүргізу, жоспардан тыс тексерулер жүргізу, білім беру қызметімен айналысуға лицензия беру, білім туралы құжаттарға апостиль қою жатады.
Жамбыл облысының білім саласында сапаны қамтамасыз ету департаментімен 2021 жылғы 7 айында білім беру мекемелерінде жалпы 44 бақылау шаралары өткізілген. Оның ішінде, 14 прфилактикалық бақылау, 25 нұсқаманың орындалуы, 5 арыз-шағымы бойынша жоспардан тыс тексеру жүргізілді. Атап айтар болсақ, профилактикалық бақылау нәтижесі бойынша 14 білім беру ұйымдарына білім саласындағы заңнама талаптары орындалмауы бойынша нұсқама берілді. Оның ішінде лицензиялау талаптарының сақталмауы, материалдық-техникалық базасының толық жабдықталмауы, Ұлттық білім беру деректер қорының дұрыс толтырылмауы, ерекше білім беру қажеттілігі бар оқушыларға дәрігерлік-консультациялық анықтамаларының жоқтығы, педагог қызметкерлердің бес жылда бір рет аттестациядан және біліктілігін арттыру курстарынан өту мерзімінің сақталмауы, «Күнделік» электронды журналының талапқа сәйкес жүргізілмеуі. Олардың қатарында әкімшілік істер бойынша 2021 жылдың 7 айында Департаментпен бақылау шаралары негізінде берілген нұсқаманы орындамағаны үшін 4 мектепке Департаментпен Қазақстан Республикасы «Әкімшілік құқық бұзушылық туралы» Кодексінің 409 және 464 бабы бойынша 320870,0 (үш жүз жиырмамың сегіз жүз жетпіс) теңге айыппұл салынған.
Тараз қаласы прокуратурасының ұсынуымен Жамбыл облысы әкімдігінің білім басқармасының «Ақыл-ойы дамуында кемістігі бар балаларға арналған арнайы мектеп-интернаты» мекемесіне әкімшілік іс қозғалып, айыппұл салынды. Сонымен қатар, «Педагог-мәртебесі туралы» Заң талаптарының бұзылуы бойынша 3 әкімшілік іс қозғалып, 3 лауазымды тұлғаға ескерту берілді. Оның ішінде, педагог қызметкерлерді кәсіптік міндеттерімен байланысты емес жұмыс түрлеріне тартуға және тауарларды сатып алу бойынша міндетті жүктеуге жол берілген. Департаментпен 5 арыз-шағым қаралып, құзырлы органдарға бұзушылықты жою бойынша нұсқама берілген. 14 арыз-шағымға Қазақстан Республикасы заңнамалары талаптарына түсіндірме берілген.
Материал Жамбыл облысы әкімдігінің ішкі саясат басқармасының тапсырысы бойынша дайындалды
