Жамбылдық полицейлер мал ұрыларын “ізін суытпай” ұстады, – деп хабарлайды Polisia.kz.
Жамбыл облысы Т. Рысқұлов ауданы полиция бөліміне Жақсылық ауылының тұрғыны хабарласып, сағат 00:30-бен сағат 05:00 аралығында белгісіз адамдар оның мал қорасынан жалпы құны 180 мың теңге тұратын екі бас қошқарын жасырын ұрлап кеткені туралы арызданды.
Т.Рысқұлов аудандық полиция бөлімі қызметкерлері жедел-іздестіру іс- шарасын жүргізу барысында “ізін суытпай” екі күдікті адамды анықтап, ұстады. Аталған дерек бойынша сотқа дейінгі тергеу амалдары басталды. – Олар кінәларын толық мойындады. Айғақ зат – екі бас қой тәркіленіп алынып, жәбірленушіге қайтарылды, – деді Т. Рысқұлов ауданы полиция бөлімінің бастығының орынбасары Қайсар Сүлеймен.
