Жамбыл облысының қылмыстық істер жөніндегі мамандандырылған ауданаралық сотымен 2021 жылдың 27 сәуірінде Қордай ауданындағы жаппай тәртіпсіздік туралы қылмыстық іс бойынша үкім шығарылды.
2020 жылғы 7-8 ақпан аралығында Жамбыл облысы, Қордай ауданы Масаншы, Бұлар батыр және Ауқатты ауылдарының аумағында жаппай тәртіпсіздік орын алды, онда зорлық-зомбылық, өртеу, дүние мүлікті қирату, жою, атыс қаруын қолдану қылмыстары орын алды.
Нәтижесінде, 10 азамат қаза тапты (тағы 1 адам жанып жатқан сауда орталығының құлауына байланысты қайтыс болды), 158 азамат пен 20 полиция қызметкері түрлі жарақат алды.
156 тұрғын үй мен сауда нысандары, 102 автокөлік құралдары бүлініп, меншік иелеріне келтірілген залал 829 848 249,91 теңгені құрады. Жамбыл облысы полиция департаментінің 10 автокөлік құралы зақымданды, мемлекетке 3 291 791 тенге залал келтірілген.
Жаппай тәртіпсіздіктердің басталуына жоғарыда аталған ауылдардың тұрғындарының арасында туындаған тұрмыстық жайлар негіз болған.
Бұған дейін, сот үкімімен бұзақылық әрекеттер мен денсаулыққа зиян келтіріп, билік өкіліне қатысты күш қолданғаны, жарылғыш құрылғыларды дайындағаны және сақтағаны үшін 6 адам сотталған.
Ал, бүгінгі қылмыстық іс бойынша басты сот талқылауы 2020 жылдың 08 желтоқсанынан 2021 жылдың 19 сәуіріне дейін өтті.
Оған 2 мемлекеттік айыптаушы (прокурор), 366 жәбірленуші, 16 жәбірленуші өкілі, 36 адвокат, 10 қорғаушы, 4 аудармашы қатысты.
Жамбыл облыстық сотының қылмыстық істер жөніндегі сот алқасы құрамында төрағалық етуші Жамбыл облыстық сотының қылмыстық істер жөніндегі сот алқасы төрағасы Н.М.Абидов, алқа судьялары М.Т.Атибеков, Ғ.Қ.Нұрлықұлов ҚАУЛЫ ЕТТІ:
АЛИЕВ САПАР БЕЙСЕХАНОВИЧ Кінәлі деп танылсын, 5 жыл шартты түрде айыпқа ауыстырылсын.
ЧАРАБАС МАҚСАТ ҚОЙШЫБЕКҰЛЫ, Кінәлі деп танылсын, 5 жыл шартты түрде айыпқа ауыстырылсын.
ТОРЕЕВ АЗАМАТ КАНАТОВИЧ, Кінәлі деп танылсын, 5 жыл шартты түрде айыпқа ауыстырылсын.
БАЖАНОВ АДЛЕТ УСЕМБАЕВИЧ, Кінәлі деп танылсын, 5 жыл шартты түрде айыпқа ауыстырылсын.
ДАУРОВ ЭРСА МУХАРМЕЕВИЧ, 10 жыл мерзімге бас бостандығынан айырылсын, орташа күзет ұсталсын (16 жылдан 10 жылға түсірілді)
Жамбыл облысының қылмыстық істер жөніндегі мамандандырылған ауданаралық сотының басқа бөлігі өзгеріссіз қалдырылсын
TURANINFO.KZ
Фото сот залынан.
