01.06.2021 жыл жағдайына өңірге 14 жас маман келді (жалпы практикалық дәрігер 7, қоғамдық денсаулық сақтау 1, хирург 1, отоларинголог 1, педиатр 2, акушер гинеколог 1, кардиолог 1), 2 жас маман қалада, 12 жас маман аудандарда (Байзақ 1, Жамбыл 1, Қордай 4, Т.Рысқұлов 2, Меркі 2, Шу АОА 2).
Оның ішінде 2020 жылғы жұмысқа бөлу қорытындысымен келген 2 жас маман ауданда жұмыс істейді.
Жергілікті бюджет есебінен 800,0 мың теңге көлемінде ақшалай көтерме ақыны 11 жас маман алды, 3 жас маман құжаттарын өткізді, республикалық бюджеттен 100 ЕАК тең сомада көтерме жәрдемақыны 2 жас маман алды, 5 жас маман құжат өткізді.
Облыста дәрігерлер тапшылығы шешілуде, есепті кезеңде 234 бірлік(161 қала, 72 ауыл) болды.
2021 жылы медициналық білім және ғылым ұйымдарының бітірушілерінжұмысқа орналастыру мақсатында барлық медициналық ұйымдар enbek.kz электрондық еңбек биржасы порталына әлеуметтік қолдау шараларын көрсете отырып, бос орындарын жариялады. Медициналық жоғары оқу орындарының түлектері мамандықтары бойынша бос орындарға үндеу қатып, онлайн режимінде медициналық ұйымдармен өзара келісім рәсімдеуде.
Өңірлерде денсаулық сақтаудың кадрлық ресурстарын дамыту және медицина кадрларының тапшылығын төмендету мақсатында,Жамбыл облысының денсаулық сақтау саласындағы кадр саясатын бекіту туралы облыс әкімінің қаулы жобасы әзірленіп, бекітілді.
Сонымен қатар, Жамбыл облысы әкімдігінің денсаулық сақтау басқармасы басшысының 2020 жылғы 28 желтоқсандағы №769-ө бұйрығымен бекітілген медициналық ұйымдардың басшы қызметкерлерінің қызметін бағалау индикаторларына денсаулық сақтаудың кадрлық ресурстарымен қамтамасыз етуі енгізілген.
Кадрлардың тапшылығы мәселесін шешу мақсатында жергілікті бюджеттен жоғары және жоғары оқу орнынан кейінгі білім бар кадрларды даярлау үшін гранттар бөлінеді.
Жергілікті атқарушы органның грантымен С.Д.Асфендияров атындағы қазақ ұлттық медицина универитетінде жоғары білімі бар кадрларды даярлау үшін жалпы медицина мамандығы бойынша 22 білімгер оқиды (о.і.2019 жылдан 12, 2020 жылдан 10 түлек).
Осы университеттежоғары оқу орнынан кейінгі білімі бар кадрларды даярлау үшін резидентурада2019 жылы түскен 12 дәрігер(акушер-гинеколог (8), анестезиолог-реанимотолог (4) мамандықтары бойынша), 2020 жылы түскен 10 дәрігер(акушер-гинеколог (2), анестезиолог-реанимотолог (3), неонатолог (3), неврология мамандықтары бойынша (2) оқиды.
2021 жылға жергілікті бюджет есебінен резидентурада 30 дәрігерді оқыту жоспарланды(о.і. «Анестезиология және реаниматология ересектердің, балалардың» мамандығы бойынша 4,«Неонатология» 4, «Гематология (ересектердің)» 2, «Ревматология ересектердің, балалардың» 2, «Эндокринология ересектердің, балалардың» 1, «Гастроэнтерология ересектердің, балалардың» 1, «Травматология-ортопедия ересектердің, балалардың» 3, «Патологиялық анатомия» 1, «Пульмонология ересектердің, балалардың» 2, «Аллергология және иммунология ересектердің, балалардың» 1, «Балалар хирургиясы» 2, «Неврология ересектердің, балалардың» 2, «Инфекциялық аурулар ересектердің, балалардың» 2, «Онкология химиотерапевтік» 1, «Онкология радиациялық» 1, «Психиатрия ересектердің, балалардың» 1).
Одан бөлек, 2020 жылдың 26 тамызында Жамбыл облысының әкімдігі мен С.Ж.Асфендияров атындағы Қазақ Ұлттық медициналық университетіденсаулық сақтау саласы кадрларын үздіксіз кәсіби дамытуды жетілдіру, сондай-ақ білім алушылардың жаңа технологияларға қол жеткізуін қамтамасыз ету арқылы медициналық білім беруді жаңғырту және дамыту саласында жоғары нәтижелерге қол жеткізу мақсатында ыңтымақтастық туралы меморандумға отырды.Қазіргі таңда, Жамбыл облысында Университет филиалын ашу үшін Тараз қаласындағы қалалық көпсалалы аурухана мен медициналық колледжі сенімгерлік басқаруға берілді.
Сонымен қатар, Тараз инновациялық-гуманитарлық университетінде медицина факультетін ашу жұмыстары жүргізілуде, бүгінгі күнге «Жалпы медицина» білім бағдарламасы бойынша, лицензия алуға өтінім берілді.
Өңірдің ауылдық жерлеріне жұмыс істеуге жолданған медицина және фармацевтика қызметкерлеріне әлеуметтік қолдау көрсету мақсатында 2021 жылы жергілікті бюджет есебінен 64 маманға 800,0 мың теңге көлемінде ақшалай көтерме ақы бөлінді. 58 медицина кадрларына республикалық бюджет есебінен тұрғын үй сатып алу немесе салу үшін әлеуметтік қолдау 1500 АЕК аспайтын сомада бюджеттік кредит, 83 маманға 100 ЕАК аспайтын сомада көтерме жәрдемақы бөлінді.
Аудан әкімдіктерінен(Байзақ, Жамбыл, Қордай, Меркі, Мойынқұм, Т.Рысқұлов, Сарысу)келетін мамандарға коммуналдық қызметтерге, отын, су, көмірге арналған шығындарды өтеуге көмек түрлері қарастырылған.
Одан бөлек, 29 қызметтік үй/пәтер бөліну жоспарланды, Жамбыл-3, Жуалы-2, Қордай-5, Меркі-3, Мойынқұм-3, Сарысу ауданы Жаңатас қаласы -3, Талас ауданы Қаратау қаласы-8 (қосымша қаралады), Шу-2.
Сонымен қатар, «SENIM» денсаулық сақтау жүйесі жұмыскерлерінің салалық кәсіптік одағы республикалық қоғамдық бірлестігінің Жамбыл облыстық филиалы өңірдегі аудандық маңызы бар Шу, Жаңатас, Қаратау моно қалаларына жұмыс істеуге келетін жас мамандарға 500,0 мың теңге көлемінде әлеуметтік көмек көрсетеді.
