2021 жылдың 19 қаңтарында Жамбыл облысының ТЖД «Өрт сөндіру және авариялық-құтқару жұмыстары қызметі» ММ № 2 Мамандандырылған өрт сөндіру бөлімінің мәжіліс залында жеке құраммен әкімшілік құқық бұзушылық туралы заңнама талаптарын бұзудың алдын алу және жолда жүру ережелерін сақтау тақырыбында дәріс өткізілді. Аталған шара карантин талаптарын сақтаумен ұйымдастырылды.
Аталған шараға Жамбыл облысының ТЖД «Өрт сөндіру және авариялық-құтқару жұмыстары қызметі» ММ бастығының міндетін уақытша атқарушы азаматтық қорғау полковнигі Алибек Адильбекович Абсатов төрағалық етті.
Ал Тараз қаласы Ішкі істер басқармасының жергілікті полиция қызметінің инспекторы, полиция капитаны Самат Серикович Алашов, Жамбыл облысының ТЖД Кадр саясаты бөлімінің бас маманы, Жеке құрам бойынша инспекциясының азаматтық қорғау капитаны Әділхан Жұмағалиұлы Калханов арнайы шақыртылды.
Күн тәртібінде «Гарнизонның жеке құрамымен әкімшілік құқық бұзушылық туралы заңнаманың талаптарын бұзудың алдын алу және жол жүру ережелерін сақтау» мәселелері қарастырылды. Полиция капитаны С.Алашов «жол қозғалысының қауіпсіздігін қамтамасыз ету жөніндегі 12 айдың қорытындысы бойынша Тараз қаласында орын алған жол-көлік оқиғаларының саны-18,5% (465-тен 379-ға дейін), жараланғандардың саны- 14,9% (629-дан 539-ға дейін), сонымен қатар қаза болғандардың саны +38,9% (18-ден 25-ке дейін) төмендегендігін атап өтті. Мұндай жағдайлар көбіне жүргізушілердің кінәсінен орын алатындығын тілге тиек етті. Сондай-ақ мас күйде көлік жүргізген жүргізушілердің кінәсінен 25 жол-көлік оқиғасы орын алды және салдарынан 2 адам қаза тапты, сондай-ақ 33 азамат жарақат алды деп атап өтті. Ал Жеке құрам бойынша инспекциясы азаматтық қорғау капитаны Ә.Калханов жеке құрамды құқық бұзушылыққа жол бермеуге шақырды. Шара соңында Қызмет бастығының орынбасары, азаматтық қорғау полковнигі Ә.Абсатов шараға арнайы келген қонақтарға алғыс білдіріп, әрбір мемлекеттік қызметкер мемлекеттік заңнамалардың сақталуына жауапты екендігін естен шығармауы тиіс деп жиналысты қорытындылады.
Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы
