Тараз қ. ПБ 1-ПБ криминалдық полиция бөлімшесінің қызметкерлері бұрын бөтеннің мүлкіне қатысты бірнеше мәрте түрлі деңгейдегі ұрлық жасаумен айналысқан 20 жастағы ұрыны ізін суытпай ұстады. Қаскүнем кезекті әрекетінде Тараз қаласының сауда-ойын-сауық орталығында орналасқан киім бутиктерінің бірінде ұрлық оқиғасын жасады. Қарапайым сатып алушы ретінде киім ауыстыратын орынға кіріп, өзінің сыртқы киімінің ішінен сатылымдағы киімдерді киіп, білдірмей шығып кеткен. Оның осы дүкенге келтірген залалы 72 980 теңгені құрайды.
Ұсталған азамат осы ұрлықты жасағанын мойындап, Тараз қаласының УҰИ-ге қамаққа алынды. Заттай дәлелдемелер (киімдер) тәркіленіп, дүкенге қайтарылды.
Қазіргі уақытта ҚР ҚК-нің 188-бабы 3-бөлігі (ұрлық) бойынша сотқа дейінгі тергеу амалдары жүргізілуде.
