2020 жылдың 19 қарашасында Алматы-Екатеринбург тас жолының 413 шақырымында «Setra» маркалы жолаушылар автобусының бұзылғаны жөнінде хабарлама келіп түскен.
Салонда 10 жолаушы болған және барлығы да Қазақстан Республикасының азаматтары болып шыққан. Көмек көрсету үшін құрамында 4 қызметкері бар «Шығанақ» тас жол бойындағы медициналық қызмет көрсету пунктінен жедел әректе ету бригадасы жөнелтіліп, олар өз кезегінде тиісті құралдармен зардап шеккендерге шұғыл көмек көрсеткен. Атап айтқанда оқиға орнына келіп жеткен медицина мамандары жолаушыларды жақын маңдағы дәмханаларға
жеткізіп, оларға консультативті және психологиялық көмек көрсеткен.
Қолайсыз ауа райы климатын ескере отырып (ауа температурасының
төмендеуі) жолаушыларға суық шалған, шалмағандығын анықтау мақсатында медициналық тексеру жүргізген.
«Шығанақ» ТМҚП қызметкерлерімен туындаған жағдай бойынша дер кезінде көмек көрсетіп, әрекет еткендіктеріне риза болғандарын жолаушылардың көтеріңкі көңіл-күйінен аңғаруға болатын еді. Ал автобустағы ақау қалыпқа келтірілген соң қозғалыс бағытын одан әрі жалғастырды.
Бөлім басшысы-дәрігер Бақытжан Тулбасиев
